ಎಮ್ ಎಸ್ ಎಕ್ಸೆಲ್ ನ ಕೆಲವು ಶಾರ್ಟಕಟ್ ಕೀ ಗಳ ಮಾಹಿತಿ.

ನಾವು ಗಣಕಯಂತ್ರ ಬಳಸುವಾಗ ಕೆಲವು ಬಾರಿ ಹಲವಾರು ಗೋಂದಲಗಳು ಹಾಗೂ ಮೌಸನ ತೊಂದರೆ ಅಥವಾ ತುರ್ತಾಗಿ ಕೆಲಸ ಮಾಡಬೇಕಾದ

ಸಂದರ್ಭ ಈ ಎಕ್ಸೆಲ್ ಶಾರ್ಟ್ಕಟ್ ಕೀಲಿ ಸಂಪೂರ್ಣ ಪಟ್ಟಿ ನಿಮಗೆ ಸರಳವಾಗಬಹುದು

Ctrl + A - ಎಲ್ಲವನ್ನೂ ಆಯ್ಕೆ ಮಾಡಿ
Ctrl + B - ಬೋಲ್ಡ್
Ctrl + C - ನಕಲಿಸಿ
Ctrl + D - ಭರ್ತಿ ಮಾಡಿ
Ctrl + F - ಹುಡುಕಿ
Ctrl + G - ಗೊಟೊ
Ctrl + H - ಬದಲಾಯಿಸಿ
Ctrl + I - ಇಟಾಲಿಕ್
Ctrl + K - ಹೈಪರ್ಲಿಂಕ್ ಸೇರಿಸಿ
Ctrl + N - ಹೊಸ ವರ್ಕ್ಬುಕ್
Ctrl + O - ಓಪನ್
Ctrl + P - ಪ್ರಿಂಟ್
Ctrl + R - ಬಲ ತುಂಬಿರಿ
Ctrl + S - ಉಳಿಸಿ
Ctrl + U - ಅಂಡರ್ಲೈನ್
Ctrl + V - ಅಂಟಿಸು
Ctrl W - ಮುಚ್ಚು
Ctrl + X - ಕಟ್
Ctrl + Y - ಪುನರಾವರ್ತಿಸಿ
Ctrl + Z - ರದ್ದುಗೊಳಿಸಿ
ಎಫ್ 1 - ಸಹಾಯ
ಎಫ್ 2 - ಸಂಪಾದಿಸಿ
ಎಫ್ 3 - ಅಂಟಿಸಿ ಹೆಸರು
ಎಫ್ 4 - ಕೊನೆಯ ಕ್ರಿಯೆಯನ್ನು ಪುನರಾವರ್ತಿಸಿ
ಎಫ್ 4 - ಸೂತ್ರವನ್ನು ಟೈಪ್ ಮಾಡುವಾಗ, ಸಂಪೂರ್ಣ / ಸಂಬಂಧಿತ ಉಲ್ಲೇಖಗಳ ನಡುವೆ ಬದಲಿಸಿ
ಎಫ್ 5 - ಗೊಟೊ
F6 - ಮುಂದಿನ ಫಲಕ
F7 - ಕಾಗುಣಿತ ಪರೀಕ್ಷೆ
F8 - ಮೋಡ್ ವಿಸ್ತರಿಸಿ
ಎಫ್ 9 - ಎಲ್ಲಾ ಕೆಲಸ ಪುಸ್ತಕಗಳನ್ನು ಮರುಪರಿಶೀಲಿಸಿ
ಎಫ್ 10 - ಮೆನಬರ್ ಸಕ್ರಿಯಗೊಳಿಸು
ಎಫ್11 - ಹೊಸ ಚಾರ್ಟ್
ಎಫ್ 12 - ಉಳಿಸಿ
Ctrl +: - ಪ್ರಸ್ತುತ ಸಮಯ ಸೇರಿಸಿ
Ctrl +; - ಪ್ರಸ್ತುತ ದಿನಾಂಕ ಸೇರಿಸಿ
Ctrl + "- ಮೇಲಿನ ಸೆಲ್ನಿಂದ ನಕಲಿಸಿ ಮೌಲ್ಯ
Ctrl + '- ಸೆಲ್ನಿಂದ ಮೇಲಿನಿಂದ ನಕಲಿಸಿ ಫಾರ್ಮುಲಾ
ಶಿಫ್ಟ್ - ಎಕ್ಸೆಲ್ನ ಮೆನುವಿನಲ್ಲಿ ಹೆಚ್ಚುವರಿ ಕಾರ್ಯಗಳಿಗಾಗಿ ಶಿಫ್ಟ್ ಅನ್ನು ಒತ್ತಿಹಿಡಿಯಿರಿ
Shift + F1 - ಇದು ಏನು?
Shift + F2 - ಸೆಲ್ ಕಾಮೆಂಟ್ ಸಂಪಾದಿಸಿ
Shift + F3 - ಸೂತ್ರಕ್ಕೆ ಅಂಟಿಸಿ ಕಾರ್ಯ
Shift + F4 - ಮುಂದಿನದನ್ನು ಹುಡುಕಿ
Shift + F5 - ಹುಡುಕಿ
Shift + F6 - ಹಿಂದಿನ ಫಲಕ
Shift + F8 - ಆಯ್ಕೆಗೆ ಸೇರಿಸಿ
Shift + F9 - ಸಕ್ರಿಯ ವರ್ಕ್ಶೀಟ್ ಅನ್ನು ಲೆಕ್ಕಹಾಕಿ
Shift + F10 - ಪ್ರದರ್ಶನ ಶಾರ್ಟ್ಕಟ್ ಮೆನು
Shift + F11 - ಹೊಸ ಕಾರ್ಯಹಾಳೆ
Shift + F12 - ಉಳಿಸಿ
Ctrl + F3 - ಹೆಸರನ್ನು ವಿವರಿಸಿ
Ctrl + F4 - ಮುಚ್ಚು
Ctrl + F5 - XL, ವಿಂಡೋ ಗಾತ್ರವನ್ನು ಮರುಸ್ಥಾಪಿಸಿ
Ctrl + F6 - ಮುಂದಿನ ಕಾರ್ಯಪುಸ್ತಕ ವಿಂಡೋ
Shift + Ctrl + F6 - ಹಿಂದಿನ ವರ್ಕ್ಬುಕ್ ವಿಂಡೋ
Ctrl + F7 - ವಿಂಡೋವನ್ನು ಸರಿಸಿ
Ctrl + F8 - ವಿಂಡೋ ಮರುಗಾತ್ರಗೊಳಿಸಿ
Ctrl + F9 - ವರ್ಕ್ಬುಕ್ ಅನ್ನು ಕಡಿಮೆ ಮಾಡಿ
Ctrl + F10 - ವಿಂಡೋವನ್ನು ಹಿಗ್ಗಿಸಿ ಅಥವಾ ಮರುಸ್ಥಾಪಿಸಿ
Ctrl + F11 - ಇನ್ಸೆಟ್ 4.0 ಮ್ಯಾಕ್ರೋ ಶೀಟ್
Ctrl + F1 - ಫೈಲ್ ಓಪನ್
Alt + F1 - ಚಾರ್ಟ್ ಸೇರಿಸಿ
Alt + F2 - ಉಳಿಸಿ
Alt + F4 - ನಿರ್ಗಮನ
Alt + F8 - ಮ್ಯಾಕ್ರೊ ಸಂವಾದ ಪೆಟ್ಟಿಗೆ
Alt + F11 - ವಿಷುಯಲ್ ಬೇಸಿಕ್ ಸಂಪಾದಕ
Ctrl + Shift + F3 - ಸಾಲು ಮತ್ತು ಕಾಲಮ್ ಲೇಬಲ್ಗಳ ಹೆಸರನ್ನು ಬಳಸಿಕೊಂಡು ಹೆಸರನ್ನು ರಚಿಸಿ
Ctrl + Shift + F6 - ಹಿಂದಿನ ವಿಂಡೋ
Ctrl + Shift + F12 - ಪ್ರಿಂಟ್
Alt + Shift + F1 - ಹೊಸ ವರ್ಕ್ಶೀಟ್
Alt + Shift + F2 - ಉಳಿಸಿ
ಆಲ್ಟ್ + = - ಆಟೋಸಮ್
Ctrl + `- ಟಾಗಲ್ ಮೌಲ್ಯ / ಫಾರ್ಮುಲಾ ಪ್ರದರ್ಶನ
Ctrl + Shift + A - ಸೂತ್ರಕ್ಕೆ ಆರ್ಗ್ಯುಮೆಂಟ್ ಅನ್ನು ಸೇರಿಸಿ
Alt + Down ಬಾಣ - ಸ್ವಯಂಪೂರ್ಣ ಪಟ್ಟಿ ಪ್ರದರ್ಶಿಸಿ
Alt + '- ಫಾರ್ಮ್ಯಾಟ್ ಸ್ಟೈಲ್ ಡೈಲಾಗ್ ಬಾಕ್ಸ್
Ctrl + Shift + ~ - ಸಾಮಾನ್ಯ ಸ್ವರೂಪ
Ctrl + Shift +! - ಕೋಮಾ ಸ್ವರೂಪ
Ctrl + Shift + @ - ಸಮಯ ಸ್ವರೂಪ
Ctrl + Shift + # - ದಿನಾಂಕ ಸ್ವರೂಪ
Ctrl + Shift + $ - ಕರೆನ್ಸಿ ರೂಪದಲ್ಲಿ
Ctrl + Shift +% - ಪರ್ಸೆಂಟ್ ಫಾರ್ಮ್ಯಾಟ್
Ctrl + Shift + ^ - ಎಕ್ಸ್ಪೋನ್ಶಿಯಲ್ ಫಾರ್ಮ್ಯಾಟ್
Ctrl + Shift + & - ಆಯ್ಕೆಮಾಡಿದ ಕೋಶಗಳ ಸುತ್ತಲಿನ ಬಾಹ್ಯರೇಖೆ ಗಡಿ
Ctrl + Shift + _ - ಔಟ್ಲೈನ್ ​​ಗಡಿ ತೆಗೆದುಹಾಕಿ
Ctrl + Shift + * - ಪ್ರಸ್ತುತ ಪ್ರದೇಶವನ್ನು ಆಯ್ಕೆ ಮಾಡಿ
Ctrl ++ - ಸೇರಿಸಿ
Ctrl + - - ಅಳಿಸಿ
Ctrl + 1 - ಫಾರ್ಮ್ಯಾಟ್ ಸೆಲ್ಗಳು ಡೈಲಾಗ್ ಬಾಕ್ಸ್
Ctrl + 2 - ಬೋಲ್ಡ್
Ctrl + 3 - ಇಟಾಲಿಕ್
Ctrl + 4 - ಅಂಡರ್ಲೈನ್
Ctrl + 5 - ಸ್ಟ್ರೈಕ್ಥ್ರೂ
Ctrl + 6 - ವಸ್ತುಗಳನ್ನು ತೋರಿಸು / ಮರೆಮಾಡು
Ctrl + 7 - ಸ್ಟ್ಯಾಂಡರ್ಡ್ ಟೂಲ್ಬಾರ್ ಅನ್ನು ತೋರಿಸು / ಮರೆಮಾಡು
Ctrl + 8 - ಔಟ್ಲೈನ್ ​​ಚಿಹ್ನೆಗಳನ್ನು ಟಾಗಲ್ ಮಾಡಿ
Ctrl + 9 - ಸಾಲುಗಳನ್ನು ಮರೆಮಾಡಿ
Ctrl + 0 - ಕಾಲಮ್ಗಳನ್ನು ಮರೆಮಾಡಿ
Ctrl + Shift + (- ಅನ್ಹೈಡ್ ಸಾಲುಗಳು
Ctrl + Shift +) - ಕಾಲಮ್ಗಳನ್ನು ಮರೆಮಾಡಿ
Alt ಅಥವಾ F10 - ಮೆನು ಸಕ್ರಿಯಗೊಳಿಸಿ
Ctrl + Tab - ಟೂಲ್ಬಾರ್ನಲ್ಲಿ: ಮುಂದಿನ ಟೂಲ್ಬಾರ್
Shift + Ctrl + Tab - ಟೂಲ್ಬಾರ್ನಲ್ಲಿ: ಹಿಂದಿನ ಟೂಲ್ಬಾರ್
Ctrl + Tab - ವರ್ಕ್ಬುಕ್ನಲ್ಲಿ: ಮುಂದಿನ ಕಾರ್ಯಪುಸ್ತಕವನ್ನು ಸಕ್ರಿಯಗೊಳಿಸಿ
Shift + Ctrl + Tab - ವರ್ಕ್ಬುಕ್ನಲ್ಲಿ: ಹಿಂದಿನ ವರ್ಕ್ಬುಕ್ ಅನ್ನು ಸಕ್ರಿಯಗೊಳಿಸಿ
ಟ್ಯಾಬ್ - ಮುಂದಿನ ಉಪಕರಣ
Shift + Tab - ಹಿಂದಿನ ಉಪಕರಣ
ನಮೂದಿಸಿ - ಆಜ್ಞೆಯನ್ನು ಮಾಡಿ
Shift + Ctrl + F - ಫಾಂಟ್ ಡ್ರಾಪ್ ಡೌನ್ ಪಟ್ಟಿ
Shift + Ctrl + F + F - ಫಾರ್ಮ್ಯಾಟ್ ಸೆಲ್ ಡೈಲಾಗ್ ಪೆಟ್ಟಿಗೆಯ ಫಾಂಟ್ ಟ್ಯಾಬ್
Shift + Ctrl + P - ಪಾಯಿಂಟ್ ಗಾತ್ರ ಡ್ರಾಪ್ ಡೌನ್ ಪಟ್ಟಿ

ಭಾರತದ ಚಿಹ್ನೆಗಳು

ಭಾರತದ ಚಿನ್ಹೆಗಳು

ರಾಷ್ಟ್ರಧ್ವಜ‬:

ಭಾರತದ ರಾಷ್ಟ್ರ ಧ್ವಜದ ಉದ್ದ & ಅಗಲದ ಅನುಪಾತ 3:2. ಭಾರತದ ರಾಷ್ಟ್ರಧ್ವಜದ ಬಣ್ಣ ಕೆಸರಿ,ಬಿಳಿ,ಹಸಿರು ಹೊಂದಿದೆ. ರಾಷ್ಟ್ರಧ್ವಜದ ಮಧ್ಯಭಾಗದಲ್ಲಿ 24 ಕಡ್ಡಿಗಳನ್ನು ಹೊಂದಿರುವ ಅಶೋಕನು ಹೊರಡಿಸಿದ ಸಾರನಾಥ ಸೂಪ್ತದಿಂದ ಪಡೆದಿರುವ ಧರ್ಮ ಚಕ್ರವಿದೆ.ಇದು ನಿಲಿ ಬಣ್ಣದಿಂದ ಕೂಡಿದೆ. ಹಾಗೆಯೇ ಸಂವಿಧಾನ ರಚನಾ ಸಭೆಯು 22 ಜುಲೈ 1947 ರಲ್ಲಿ ರಾಷ್ಟ್ರಧ್ವಜವನ್ನು ಅಳವಡಿಸಿಕೊಂಡಿತು. ಆದರೆ ಧ್ವಜಸಂಹಿತೆ ಜಾರಿಗೆ ಬಂದದ್ದು ಮಾತ್ರ (flag code) 26 ಜನೆವರಿ 2002 ರಂದು ಜಾರಿಗೆ ಬಂದಿತು.

 ಭಾರತದ ಪ್ರತಿಯೊಬ್ಬ ರಾಷ್ಟ್ರಧ್ವಜ ಹಾರಿಸುವುದು ಮೂಲಭೂತ ಹಕ್ಕು ಎಂದು ಕಲಂ 19(i) ವಿವರಿಸುವುದು. ಭಾರತದ ತ್ರಿವರ್ಣ ಧ್ವಜವನ್ನು ಮೊಟ್ಟಮೊದಲಿಗೆ ತಯಾರಿಸಿದವರು ಮೇಡಂ ಭೀಕಾಜಿ ಕಾಮಾ.

ಆದರೆ ಭಾರತದ ಧ್ವಜವನ್ನು ಮೊದಲಿಗೆ ಲಾಹೋರದ ರಾವಿ ನದಿಯ ದಂಡೆ ಮೇಲೆ 1928 ರ ಕಾಂಗ್ರೆಸ್ಸ ಅಧಿವೇಶನದಲ್ಲಿ ಜವಾಹರಲಾಲ ನೆಹರೂ ಹಾರಿಸಿದರು. ಈಗ ಕೆಂಪು ಕೋಟೆಯ ಮೇಲೆ ಪ್ರತಿ ವರ್ಷ ರಾಷ್ಟ್ರೀಯ ಧ್ವಜ ಹಾರಿಸುವವರು ಪ್ರಧಾನಮಂತ್ರಿಗಳು. ತ್ರಿವರ್ಣ ಧ್ವಜದ ವಿನ್ಯಾಸಗೊಳಿಸಿದವರು ಪಿಂಗಳಿ ವೆಂಕಯ್ಯ.
ನಮ್ಮ ರಾಷ್ಟ್ರ ಧ್ವಜ ಕರ್ನಾಟಕದಲ್ಲಿ ಧಾರವಾಡ ಜಿಲ್ಲೆಯ ಗರಗ ಗ್ರಾಮದಲ್ಲಿ ತಯಾರಿಸಲಾಗುತ್ತದೆ.

ರಾಷ್ಟ್ರೀಯ_ಚಿನ್ಹೆ‬: 

ಭಾರತದ ರಾಷ್ಟ್ರೀಯ ಚಿನ್ಹೆಯನ್ನು ಉತ್ತರ ಪ್ರದೇಶದಲ್ಲಿ ಅಶೋಕನು ಹೊರಡಿಸಿರುವ ಸಾರನಾಥ ಸೂಪ್ತದಿಂದ ಪಡೆಯಲಾಗಿದೆ. ಇದರಲ್ಲಿ ನಾಲ್ಕು ಸಿಂಹಗಳು, ನೆಗೆಯುತ್ತಿರುವ ಕುದುರೆ, ಗೂಳಿ & ಆನೆಗಳಿವೆ. ಮಧ್ಯದಲ್ಲಿ ಧರ್ಮಚಕ್ರವಿದೆ. ಭಾರತ ಸರ್ಕಾರವು ಇದನ್ನು 26 ಜನೆವರಿ 1950 ರಂದು ಅಳವಡಿಸಿಕೊಂಡಿತು. ಇದರ ಕೆಳಗೆ ಮಂಡಕೊಪನಿಷತ್ತಿನಿಂದ ಪಡೆದಿರುವ ಸತ್ಯಮೇವ ಜಯತೇ ಯನ್ನು ದೇವನಾಗರಿ ಲಿಪಿಯಲ್ಲಿ ಬರೆಯಲಾಗಿದೆ. ರಾಷ್ಟ್ರೀಯ ಚಿನ್ಹೆಯು ಭಾರತದ ಸರ್ಕಾರದ ಹಕ್ಕನ್ನು ಸೂಚಿಸುವುದು.

ರಾಷ್ಟ್ರೀಯ_ಹೂವು‬:

ಭಾರತದ ಪುಷ್ಪ - ಕಮಲದ ಹೂವು. ಪುರಾಣಗಳಲ್ಲಿ ಕಮಲದ ಹೂ ತ್ಯಾಗದ ಸಂಕೇತವಾಗಿದೆ. ಕಮಲದ ವೈಜ್ಞಾನಿಕ ಹೆಸರು - ನೀಲುಂಬಾ ನುಸಿಫೇರಾ(Nelumbo nucifera).  ಸಸ್ಯ ಸಂಪತ್ತಿನಲ್ಲಿ ಭಾರತ ಜಗತ್ತಿನಲ್ಲಿ 10 ನೇ ಸ್ಥಾನದಲ್ಲಿದೆ.

‎ರಾಷ್ಟ್ರಗೀತೆ‬: 

ಭಾರತದ ರಾಷ್ಟ್ರಗೀತೆ 'ಜನಗಣಮನ". ಮೂಲತ ಇದು ಬಂಗಾಳಿ ಭಾಷೆಯಲ್ಲಿದ್ದು ಇದನ್ನು ರಚಿಸಿದವರು ರವೀಂದ್ರನಾಥ ಟ್ಯಾಗೋರ. ಸಂವಿಧಾನ ರಚನಾ ಸಭೆಯು ಹಿಂದಿ ಭಾಷಾಂತರದ ರಾಷ್ಟ್ರಗೀತೆಯನ್ನು 24 ಜನೆವರಿ 1950 ರಂದು ರಾಷ್ಟ್ರಗೀತೆಯಾಗಿ ಅಳವಡಿಸಿಕೊಂಡಿತು. ಈ ಗೀತೆಯನ್ನು ಮೊದಲಿಗೆ 1911 ರ ಕಲ್ಕತ್ತಾ ಕಾಂಗ್ರೆಸ್ ಅಧಿವೇಶನದಲ್ಲಿ ಹಾಡಲಾಯಿತು. ಜನಮಣ ಗೀತೆಯು ಮೂಲತಃ ಐದು ಪಂಕ್ತಿಗಳಿಂದ ಕೂಡಿದೆ ಅದರ ಮೊದಲನೇ ಪಂಕ್ತಿಯನ್ನು ಮಾತ್ರ ರಾಷ್ಟ್ರಗೀತೆಯಾಗಿ ಅಳವಡಿಸಕ್ಕೊಳ್ಳಲಾಗಿದೆ. ಭಾರತದ ರಾಷ್ಟ್ರಗೀತೆಯಲ್ಲಿ ಒಟ್ಟು 13 ಸಾಲುಗಳಿವೆ.
ರಾಷ್ಟ್ರಗೀತೆಯನ್ನು 48 ಸೆಕೆಂಡುಗಳಿಗೆ ಕಡಿಮೆ ಇಲ್ಲದಂತೆ ಹಾಗೂ 52 ಸೆಕೆಂಡುಗಳು ಮೀರದಂತೆ ಹಾಡುವ ನಿಯಮವಿದೆ. ಹಾಗೆಯೇ ರವೀಂದ್ರನಾಥ ಟ್ಯಾಗೋರ್ ರವರ 'ಅಮರ್ ಸೋನಾರ್ ಬಾಂಗ್ಲಾ' ಗೀತೆಯನ್ನು ಬಾಂಗ್ಲಾದೇಶ ತನ್ನ ರಾಷ್ಟ್ರಗೀತೆಯಾಗಿ ಅಳವಡಿಸಿಕೊಂಡಿದೆ( ಈ ಗೀತೆಯನ್ನು 1905 ರಲ್ಲಿ ಬಂಗಾಳ ವಿಭಜನೆ ವಿರೋಧಿಸಿ ರಚಿಸಿದ್ದರು)
ನಂತರದಲ್ಲಿ 1905 ರ ಬಂಗಾಳ ವಿಭಜನೆ ವಿರೋಧಿಸಿ ಇವರು ಹಿಂದೂ ಮುಸ್ಲಿಂರಿಗೆ "ರಕ್ಷಾಬಂಧನ" ಆಚರಿಸುವಂತೆ ಕರೆ ನೀಡಿದ್ದರು.

‎ರಾಷ್ಟ್ರೀಯ_ಹಾಡು‬:

ಸಂಸ್ಕ್ರತದಲ್ಲಿರುವ ವಂದೇ ಮಾತರಂ ಈ ಗೀತೆಯನ್ನು ಭಾರತದ ಸಂವಿಧಾನ ರಚನಾ ಸಭೇಯನ್ನು ಜನೆವರಿ 24 1950 ರಂದು ಅಳವಡಿಸಿಕೊಂಡಿತು. ಈ ಗೀತೆಯನ್ನು ಬಂಕೀಮಚಂದ್ರ ಚಟರ್ಜಿ ಚಟ್ಟೋಪಧ್ಯಾಯರು 1882 ರಲ್ಲಿ ರಚಿಸಿದ 'ಆನಂದಮಠ' ಕಾದಂಬರಿಯಿಂದ ಆಯ್ದುಕ್ಕೊಳ್ಳಲಾಗಿದೆ. ಈ ಗೀತೆಯನ್ನು ಮೊಟ್ಟಮೊದಲಿಗೆ 1896 ರ ಕಲ್ಕತ್ತಾ ಕಾಂಗ್ರೆಸ್ಸ ಅಧಿವೇಶನದಲ್ಲಿ ಹಾಡಲಾಯಿತು. ಭಾರತಕ್ಕೆ ಸ್ವಾತಂತ್ರ ದೊರೆಯವರೆಗೂ ಈ ಗೀತೆಯನ್ನು ರಾಷ್ಟ್ರಗೀತೆಯಾಗಿ ಹಾಡಲಾಗುತ್ತಿತ್ತು. ಮತ್ತು
 ಈ ಗೀತೆಯನ್ನು 1920 ರಲ್ಲಿ ಇಂಗ್ಲೀಷ ಭಾಷೆಗೆ ಭಾಷಾಂತರಿಸಿದವರು ಶ್ರೀಅರವಿಂದೋ ಘೋಷ್.

‎ರಾಷ್ಟ್ರೀಯ_ಪಂಚಾಂಗ‬:

ರಾಷ್ಟ್ರೀಯ ಪಂಚಾಂಗವು ಶಕ ವರ್ಷವನ್ನು ಆಧರಿಸಿದ ಗ್ರೇಗೋರಿಯನ್ನ ಪಂಚಾಂಗವನ್ನು ಹೋಲುತ್ತದೆ. ಇದನ್ನು ಮಾರ್ಚ 22, 1957 ರಂದು ಅವಡಿಸಿಕ್ಕೊಳಲಾಗಿದೆ. ಸಾಮಾನ್ಯ ವರ್ಷದ ಮೊದಲ ದಿನಾಂಕ - ಮಾರ್ಚ 21 ಮತ್ತು ಅಧಿಕ ವರ್ಷದ ಮೊದಲ ದಿನಾಂಕ - ಮಾರ್ಚ 22.
                                       ಕ್ರಿ.ಶ 78 ಶಾಲಿವಾನ ಶಕೆ ವರ್ಷವನ್ನು ಕುಶಾನರ ಅರಸ ಕನಿಷ್ಕನು ಅಧಿಕಾರಕ್ಕೆ ಬಂದಿರುವದರ ನೆನಪಿಗಾಗಿ ಜಾರಿಗೆ ತಂದನು.
2015 ರ ವರ್ಷವನ್ನು ಭಾರತೀಯ ಕ್ಯಾಲೆಂಡರನಂತೆ 1937 ನೇ ವರ್ಷ ಎನ್ನಲಾಗುವುದು. ಇನ್ನಷ್ಟು ವಿಶೇಷ ವೆಂದರೇ ಭಾರತದ ರಾಷ್ಟ್ರೀಯ ಪಂಚಾಂಗದ ಪ್ರಕಾರ ಮೊದಲನೇ ತಿಂಗಳು - ಚೈತ್ರ. ಕೊನೆಯ ತಿಂಗಳು - ಫಾಲ್ಗುಣ. ರಾಷ್ಟ್ರೀಯ ಪಂಚಾಂಗದ ತಿಂಗಳುಗಳು : ಚೈತ್ರ ವೈಶಾಖ ಜೇಷ್ಟ ಆಶಾಢ ಶ್ರಾವಣ ಭಾದ್ರಪದ ಅಶ್ವಿನ್ ಕಾರ್ತಿಕ ಮೃಗಶಿರ ಪುಷ್ಯ ಮಾಘ ಫಾಲ್ಗುಣ

ರಾಷ್ಟ್ರೀಯ_ಕ್ರೀಡೆ‬: 

ಭಾರತದ ರಾಷ್ಟ್ರೀಯ ಕ್ರೀಡೆ - ಹಾಕಿ
ಹಾಕಿ ಕ್ರೀಡೆಯಲ್ಲಿ ಒಂದು ತಂಡದಲ್ಲಿ ಒಟ್ಟು 11 ಆಟಗಾರರಿರುತ್ತಾರೆ. ಭಾರತ ಹಾಕಿ ತಂಡ ಒಟ್ಟು 08 ಸಲ ಓಲಂಪಿಕ್ಸನಲ್ಲಿ ಚಿನ್ನದ ಪದಕ ಗೆದ್ದಿದೆ. ಕರ್ನಾಟಕದ ಕೊಡಗು ಜಿಲ್ಲೆಗೆ ಹಾಕಿಯ ತವರೂರು ಎನ್ನುತ್ತಾರೆ. ಮತ್ತು ಇಲ್ಲಿಯ ಮಾಂತ್ರಿಕ ಆಟಗಾರರೆಂದೇ ಹೆಸರಾದ ಹಾಕಿಯ ಮಾಂತ್ರಿಕ - ಧ್ಯಾನಚಂದ್. ಧ್ಯಾನಚಂದರವರ ಹುಟ್ಟು ಹಬ್ಬದ ದಿನವಾದ ಅಗಷ್ಟ್ -29 ನ್ನು ಪ್ರತಿವರ್ಷ ಭಾರತದಲ್ಲಿ ರಾಷ್ಟ್ರೀಯ ಕ್ರೀಡಾ ದಿನವಾಗಿ ಆಚರಿಸುವರು.
ಕರ್ನಾಟಕದ ರಾಷ್ಟ್ರೀಯ ಕ್ರೀಡೆ ಸಹ ಹಾಕಿ ಆಗಿದೆ.
ಇಂದಿರಾಗಾಂಧಿ ಗೋಲ್ಡ್ ಕಪ್ ಭಾರತದ ಪ್ರಮುಖ ಹಾಕಿ ಕ್ರೀಡೆಯ ಟ್ರೋಫಿಯಾಗಿದೆ. ಹಾಗೂ ಅಂತರರಾಷ್ಟ್ರೀಯ ಹಾಕಿ ಪಂದ್ಯವೊಂದರ ಅವಧಿ - 70 ನಿಮಿಷಗಳಾಗಿದೆ.

ರಾಷ್ಟ್ರೀಯ_ನದಿ‬: 

ಭಾರತದ ರಾಷ್ಟ್ರೀಯ ನದಿ - ಗಂಗಾನದಿ
ನವೆಂಬರ್ 04, 2008 ರಂದು ಗಂಗಾನದಿಯನ್ನು ಭಾರತದ ರಾಷ್ಟ್ರೀಯ ನದಿಯನ್ನು ಪ್ರಧಾನಮಂತ್ರಿಗಳು ಘೋಷಿಸಿದರು.
 ಭಾರತದಲ್ಲಿ ಹರಿಯುವ ನದಿಗಳಲ್ಲಿ ಗಂಗಾ ನದಿ ಅತಿ ಉದ್ದವಾಗಿದೆ(2510 km) ಮತ್ತು
ಗಂಗಾ ನದಿ ಪ್ರಾಧಿಕಾರ ಸಂಸ್ಥೆ ಇರುವುದು ಬಿಹಾರದ ಪಾಟ್ನಾದಲ್ಲಿ.

‎ರಾಷ್ಟ್ರೀಯ_ಜಲಪ್ರಾಣಿ‬:

ಭಾರತ ಸರ್ಕಾರವು ಅಕ್ಟೋಬರ್ 05,2009 ರಂದು ಗಂಗಾ ನದಿಯ ಡಾಲ್ಫಿನ್ ಭಾರತದ ರಾಷ್ಟ್ರೀಯ ಜಲಪ್ರಾಣಿ ಎಂದು ಘೋಷಿಸಿದೆ ಮತ್ತು ಡಾಲ್ಫಿನದ ವೈಜ್ಞಾನಿಕ ಹೆಸರು - ಪ್ಲಾಂಟಾನಿಷ್ಟಾ ಗ್ಯಾಂಗ್ಯಾಟಿಕಾ.((Platanista gangetica)

ರಾಷ್ಟ್ರೀಯ_ಪಕ್ಷಿ‬:

ಭಾರತದ ರಾಷ್ಟ್ರೀಯ ಪಕ್ಷಿ - ನವಿಲು. ಭಾರತದ ವನ್ಯಜೀವಿ ರಕ್ಷಣಾ ಕಾಯ್ದೆ - 1972 ರ ಅಡಿಯಲ್ಲಿ ನವಿಲಗಳನ್ನು ಸಂರಕ್ಷಿಸಲಾಗುತ್ತಿದೆ. ನವಿಲಿನ ವೈಜ್ಞಾನಿಕ ಹೆಸರು - ಪಾವೋ ಕ್ರಿಸ್ಟಾಟಸ್ (pavo cristatus). ಹಾಗೇಯೇ ಮಂಡ್ಯ ಜಿಲ್ಲೆ ಆದಿಚುಂಚನಗಿರಿ ಹಾಗೂ ಹಾವೇರಿ ಜಿಲ್ಲೆಯ ಬಂಕಾಪೂರದಲ್ಲಿ ನವಿಲು ವನ್ಯಧಾಮಗಳಿವೆ.

ರಾಷ್ಟ್ರೀಯ_ಮರ‬:

 ಭಾರತದ ರಾಷ್ಟ್ರೀಯ ಮರ - ಬನಯಾನ್ ಅಥವಾ ಅರಳಿ ಮರ. ಅರಳಿ ಮರದ ವೈಜ್ಞಾನಿಕ ಹೆಸರು - ಫೈಕಾಸ್ ಬೆಂಗಾಲೆನಿಸ್ (ficus benghalensis)

ಮತ್ತು ಅರಳಿ ಮರದ ಬೇರುಗಳು ತಂತುರೂಪಗಳಾಗಿವೆ. ಹಾಗೆಯೇ ವಿಶೇಷವೆಂದರೇ ಗೌತನ ಬುದ್ದನಿಗೆ ಜ್ಞಾನೋದಯವಾದದ್ದು ಬಿಹಾರದ ಗಯಾದ ನಿರಂಜನ ನದಿಯ ದಡದಲ್ಲಿರುವ ಅರಳಿ ಮರದ ಕೆಳಗೆ. ಗೌತಮ ಬುದ್ದನ ಆಧ್ಯಾತ್ಮಿಕ ಗುರು - ಅಲಾರ ಕಮಾ. ಭಾರತದ ಅತ್ಯಂತ ದೊಡ್ಡ ಅರಳಿ ಇರುವುದು - ಕಲ್ಕತ್ತದಲ್ಲಿ. ಪ್ರಪಂಚದ ಅತಿ ದೊಡ್ಡ ವೃಕ್ಷ - ದೈತ್ಯ ಸಿಕೋಯ್ ಮರ.
ಹಾಗೆಯೇ ಮರಗಳ ಆಯುಷ್ಯವನ್ನು ನಿರ್ಧರಿಸುವುದು ಅವುಗಳು ಕಾಂಡದಲ್ಲಿರುವ ಸೆಲ್ಯುಲಸನಿಂದ ಮಾಡಲ್ಪಟ್ಟಿರುವ ವೃತ್ತಗಳ ಸಂಖ್ಯೆಯ ಆಧಾರದ ಮೇಲೆ.

‎ರಾಷ್ಟ್ರೀಯ_ಹಣ್ಣು‬: 

ಭಾರತದ ರಾಷ್ಟ್ರೀಯ ಹಣ್ಣು - ಮಾವಿನ ಹಣ್ಣು. ಮಾವಿನ ವೈಜ್ಞಾನಿಕ ಹೆಸರು - ಮ್ಯಾಂಜಿಫೇರಾ ಇಂಡಿಕಾ (mangifera indica)

ಮಾವಿನ ಹಣ್ಣಿನಲ್ಲಿರುವ ಜೀವಸತ್ವಗಳು - A,C,D
ಹಾಗೆಯೇ ಭಾರತವು ಮಾವಿನ ಉತ್ಪಾದನೆಯಲ್ಲಿ ಜಗತ್ತಿನಲ್ಲಿ ಪ್ರಥಮ ಸ್ಥಾನದಲ್ಲಿದೆ.

ರಾಷ್ಟ್ರೀಯ_ವಂಶಪಾರಂಪರ್ಯ_ಪ್ರಾಣಿ‬:

ಭಾರತ ಸರ್ಕಾರವು ಅಕ್ಟೋಬರ್ 23, 2010 ರಂದು ಆನೆಯನ್ನು ಭಾರತದ ವಂಶಪಾರಂಪರ್ಯ ಪ್ರಾಣಿ ಎಂದು ಘೋಷಿಸಿದೆ. ಆನೆಯ ವೈಜ್ಞಾನಿಕ ಹೆಸರು - ಎಲಿಫಾಸ್ ಮ್ಯಾಕ್ಷಿಮಸ್ (elephas maximus)

 ಮತ್ತು ಭೂವಾಸಿಗಳಲ್ಲಿ ದೊಡ್ಡದಾದ ಪ್ರಾಣಿ - ಆಪ್ರಿಕಾದ ಆನೆ. ಭಾರತದ ಆನೆಗಳ ಯೋಜನೆ ಜಾರಿಗೆ ತಂದ ವರ್ಷ - 1992. ಭಾರತದಲ್ಲಿ ಅತಿ ಹೆಚ್ಚು ಆನೆಗಳನ್ನು ಹೊಂದಿರುವ ರಾಜ್ಯ - ಕರ್ನಾಟಕ.
ಕರ್ನಾಟಕದ ರಾಜ್ಯ ಪ್ರಾಣಿ - ಆನೆ.

ರಾಷ್ಟ್ರೀಯ_ಪ್ರಾಣಿ‬:

 1972 ರಿಂದ ಭಾರತದ ರಾಷ್ಟ್ರೀಯ ಪ್ರಾಣಿ ಹುಲಿ ಎಂದು ಘೋಷಿಸಲಾಯಿತು. ಭಾರತದ ಮೊದಲ ರಾಷ್ಟ್ರೀಯ ಪ್ರಾಣಿ ಸಿಂಹವಾಗಿತ್ತು. ಮತ್ತೂ

ಹುಲಿಯ ವೈಜ್ಞಾನಿಕ ಹೆಸರು - ಪ್ಯಾಂಥೇರಾ ಟ್ರೈಗಿಸ್. (Panthera tigris). ಭಾರತದ ಮೊದಲ ಹುಲಿ ಅಭಯಾರಣ್ಯ - ಉತ್ತರಖಂಡದ ಕಾರ್ಬೆಟ್
ಹಾಗೆಯೇ ಭಾರತದಲ್ಲಿ ಅತಿ ಹೆಚ್ಚು ಹುಲಿಗಳನ್ನು ಹೊಂದಿರುವ ರಾಜ್ಯ - ಕರ್ನಾಟಕ. ವಿಸ್ತೀರ್ಣದಲ್ಲಿ ಭಾರತದ ದೊಡ್ಡದಾದ ಹುಲಿ ಅಭಯರಾಣ್ಯ - ಆಂದ್ರಪ್ರದೇಶದ ನಾಗಾರ್ಜುನ ಸಾಗರ. ಭಾರತದಲ್ಲಿ ಅತಿ ಹೆಚ್ಚು ಹುಲಿಗಳನ್ನು ಹೊಂದಿರುವ ಅಭಯಾರಣ್ಯ - ಪಶ್ಚಿಮ ಬಂಗಾಳದ ಸುಂದರಬನ್ಸ್
ಮತ್ತು ಭಾರತದಲ್ಲಿ ಹುಲಿ ಯೋಜನೆ ಜಾರಿಗೆ ಬಂದ ವರ್ಷ - 1972

ರಾಷ್ಟ್ರೀಯ_ಕಟ್ಟಡ‬:

ದೆಹಲಿಯಲ್ಲಿರುವ ಇಂಡಿಯಾ ಗೇಟ್ ಇದನ್ನು ಎರಡನೇ ಮಹಾಯುದ್ದದಲ್ಲಿ ಮರಣ ಹೊಂದಿರುವ ಭಾರತೀಯ ಸೈನಿಕರ ನೆನಪಿಗಾಗಿ ಕಟ್ಟಿಸಲಾಗಿದೆ.

ರಾಷ್ಟ್ರೀಯ_ದೊರೆ‬:

ಮೌರ್ಯ ವಂಶದ ಚಂದ್ರಗುಪ್ತ ಮೌರ್ಯ.

∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆
ಸಂಗ್ರಹ: ANAND SHIKKERI (Asst master).
∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆

ದಕ್ಷಿಣ ಭಾರತದ ಶಾಸನಗಳು & ಅದರ ನಿರ್ಮಾಪಕರು

*ದಕ್ಷಿಣ ಭಾರತದ ಪ್ರಮುಖ ಐತಿಹಾಸಿಕ ಶಾಸನಗಳು ಮತ್ತು ಅವುಗಳ ನಿರ್ಮಾಪಕರು (Famous Ancient Historical Inscriptions in India),*

■ ದಕ್ಷಿಣ ಭಾರತದ ಪ್ರಮುಖ ಐತಿಹಾಸಿಕ ಶಾಸನಗಳು :

● ಸಮುದ್ರಗುಪ್ತನ ಅಲಹಾಬಾದ್ ಶಾಸನದ ಕರ್ತೃ ----- ಹರಿಷೇಣ

● ಸಮುದ್ರಗುಪ್ತನನ್ನು ನೂರು ಕದನಗಳ ಸಿಂಹ ಎಂದು ಸಂಭೋದಿಸಿದ ಶಾಸನ ----- ಅಲಹಾ ಬಾದ್ ಸ್ತಂಭ ಶಾಸನ

● ಅಲಹಾಬಾದ್ ಸ್ತಂಭ ಶಾಸನ ಮೊದಲು ಇದ್ದ ಪ್ರದೇಶ ----- ಕೌಸಂಬಿ

● ಅಲಹಾಬಾದ್ ಸ್ತಂಭ ಶಾಸನವನ್ನು ಕೌಸಂಬಿಯಿಂದ ಅಲಹಾಬಾದಿಗೆ ಸಾಗಿಸಿದ ತುಘಲಕ್ ದೊರೆ ----- ಫೀರೋಜ್ ಷಾ ತುಘಲಕ್

● ದೆಹಲಿಯಲ್ಲಿರುವ ಗುಪ್ತರ ಕಾಲದ ಸ್ತಂಭ ಶಾಸನ ----- ಮೆಹ್ರೋಲಿ ಕಂಬ್ಬಿಣದ ಸ್ತಂಭ ಶಾಸನ

● ಫಿರೋಜ್ ಷಾ ತುಘಲಕ್, ದೆಹಲಿಗೆ ರವಾನಿಸಿದ ಅಶೋಕನ ಶಿಲಾಶಾಸನಗಳು ----- ಮಿರತ್ ಶಾಸನ ಹಾಗೂ ತೋಪ್ರ ಶಾಸನ

● ಗ್ರೀಕ್ ಹಾಗೂ ಅರೇಬಿಕ್ ಭಾಷೆಗಳಲ್ಲಿರುವ ಅಶೋಕನ ಶಾಸನಗಳು ಇರುವ ಪ್ರದೇಶ ----- ಕಂದಾಹಾರ್

● ಗಿರ್ನಾರ್ ಹಾಗೂ ಜುನಾಗಡ್ ಶಾಸನದ ಕರ್ತೃ ----- ರುದ್ರದಾಮನ್

● ಸುದರ್ಶನ ಕೆರೆಯ ಇತಾಹಾಸದ ಮೇಲೆ ಬೆಳಕು ಚೆಲ್ಲುವ ಶಾಸನಗಳು ----- ರುದ್ರದಾಮನ್ ಹಾಗೂ ಸ್ಕಂದ ಗುಪ್ತನ ಶಾಸನಗಳು

● ತೆಲುಗಿನ ಪ್ರಥಮ ಶಾಸನ ----- ಕಲಿಮಲ್ಲ ಶಾಸನ

● ತಮಿಳಿನ ಪ್ರಥಮ ಶಾಸನ ----- ಮಾಂಗುಳಂ ಶಾಸನ

● ಶಾಸನಗಳ ಪಿತಾಮಹಾ ಶಾಸನಗಳ ರಾಜ ಸ್ವಕಥನಗಾರ ಎಂದು ಖ್ಯಾತಿವೆತ್ತ ಮೌರ್ಯ ಅರಸ ----- ಅಶೋಕ

● ಅಶೋಕನ ಶಾಸನಗಳು ಈ ಲಿಪಿಯಗಳಲ್ಲಿ ಲಭ್ಯವಾಗಿದೆ ----- ಬ್ರಾಹ್ಮಿ ಹಾಗೂ ಖರೋಷ್ಠಿ

● ಕಳಿಂಗ ಯುದ್ಧದ ಬಗೆಗೆ ಬೆಳಕು ಚೆಲ್ಲುವ ಅಶೋಕನ ಶಾಸನ -----13 ನೇ ಶಿಲಾ ಶಾಸನ

● ಅಸೋಕನ ಶಾಸನವನ್ನು ಮೊಟ್ಟ ಮೊದಲು ಓದಿದವರು -----1837 ರಲ್ಲಿ ಈಸ್ಟ್ ಇಂಡಿಯಾ ಕಂಪೆನಿಯ ಜೇಮ್ಸ್ ಪ್ರಿನ್ಸಸ್

● ಅಶೋಕನನ್ನು ಪ್ರಿಯದರ್ಶಿ ಅಶೋಕ ಎಂದು ಸಂಭೋದಿಸಿಲಾದ ಶಾಸನ ----- ಮಸ್ಕಿ ಶಾಸನ

● ಮಸ್ಕಿ ಶಾಸನ ಪ್ರಸ್ತುತ ಈ ಜಿಲ್ಲೆಯಲ್ಲಿದೆ ----- ಕೊಪ್ಪಳ

● ಅಶೋಕನನ್ನು ರಾಜ ಅಶೋಕ , ದೇವನಾಂಪ್ರಿಯ ಎಂಬ ಹೆಸರುಗಳಿಂದ ಸಂಭೋಧಿಸಲಾದ ಶಾಸನ ----- ಬಳ್ಳಾರಿ ಜಿಲ್ಲೆಯ ನಿಟ್ಟೂರು ಶಾಸನ

● ನಿಟ್ಟೂರಿನ ಶಾಸನದ ರಚನಾಕಾರ ----- ಉಪಗುಪ್ತ

● ನಿಟ್ಟೂರಿನ ಶಾಸನದ ಲಿಪಿಕಾರ ----- ಚಡಪ

● ಸಾರಾನಾಥದ ಅಶೋಕನ ಸ್ತಂಭವನ್ನು ಭಾರತ ಸರ್ಕಾರ ರಾಷ್ಟ್ರೀಯ ಲಾಂಛನವನ್ನಾಗಿ ಅಳವಡಿಸಿಕೊಂಡ ವರ್ಷ ----- 1950ರಲ್ಲಿ

● ಸಾರಾನಾಥದ ಸ್ಥೂಪದ ಕೆಳಭಾಗದಲ್ಲಿ ಸತ್ಯ ಮೇವ ಜಯತೆ ಎಂಬ ಹೇಳಿಕೆಯನ್ನು ಈ ಲಿಪಿಯಲ್ಲಿ ಬರೆಯಲಾಗಿದೆ ----- ದೇವನಾಗರಿ

● ಅಶೋಕನು ಬೌದ್ಧಧರ್ಮವನ್ನು ಸ್ವೀಕರಿಸಿದ ಪರಿಯನ್ನು ತಿಳಿಸುವ ಶಾಸನ ----- ಬಬ್ರುಶಾಸನ

● ಮೊಟ್ಟ ಮೊದಲ ಭಾರಿಗೆ ಸಂಸ್ಕೃತದಲ್ಲಿ ಶಾಸನ ಬರೆಸಿದ ರಾಜ ----- ಶಕರ ಪ್ರಸಿದ್ದ ಅರಸ ರುದ್ರಧಮನ

● ಅಮೋಘವರ್ಷನು ಕೊಲ್ಲಾಪುರದ ಮಹಾಲಕ್ಷ್ಮೀಗೆ ತನ್ನ ಎಡಗೈ ಬೆರಳನ್ನು ಕತ್ತರಿಸಿ ಸಮರ್ಪಿಸಿದ ಬಗ್ಗೆ ತಿಳಿಸುವ ಶಾಸನ ----- ಸಂಜಾನ್ ದತ್ತಿ ಶಾಸನ

● ದಂತಿದುರ್ಗ ----- ಸಮನ್ ಗಡ್ ಹಾಗೂ ಎಲ್ಲೋರದ ಗುಹಾ ಶಾಸನ

● ಒಂದನೇ ಕೃಷ್ಣ ----- ಭಾಂಡ್ಕ ಮತ್ತು ತಾಳೇಗಾಂ ಶಾಸನ

● ಧೃವ ----- ಜೆಟ್ಟಾಯಿ ಶಾಸನ

● ಅಮೋಘವರ್ಷ ----- ಸಂಜಾನ್ ತಾಮ್ರ ಶಾಸನ

© ಬಾದಾಮಿ ಶಾಸನದ ಕರ್ತೃ ----- 1 ನೇ ಪುಲಿಕೇಶಿ

● ಮಹಾಕೂಟ ಸ್ತಂಭ ಶಾಸನದ ಕರ್ತೃ ----- ಮಂಗಳೇಶ

● ಮಹಾಕೂಟ ಸ್ತಂಭ ಶಾಸನ ----- ಬಾದಾಮಿಯ ಮಹಾಕೂಟೇಶ್ವರ ದೇವಲಾಯದಲ್ಲಿದೆ

●ರವಿ ಕೀರ್ತೀ ----- ಐಹೋಳೆ ಶಾಸನ

● ಐಹೋಳೆ ಶಾಸನ ----- ಮೇಗುತಿ ಜಿನ ದೇವಾಲಯದಲ್ಲಿ ಕೆತ್ತಲಾಗಿದೆ

● ಚಂದ್ರವಳ್ಳಿ ಶಾಸನದ ಕರ್ತೃ ----- ಮಯೂರವರ್ಮ (ಚಿತ್ರದುರ್ಗ)

● ಬ್ರಾಹ್ಮಿಲಿಪಿಯಲ್ಲಿರುವ ಪ್ರಪ್ರಥಮ ಸಂಸ್ಕೃತ ಶಾಸನ ----- ಚಂದ್ರವಳ್ಳಿ ಶಾಸನ

● ಕರ್ನಾಟಕದ ಅತ್ಯಂತ ಪ್ರಾಚೀನ ಸಂಸ್ಕೃತ ಶಾಸನ ----- ಚಂದ್ರವಳ್ಳಿ ಶಾಸನ

● ಕನ್ನಡದ ಮೊಟ್ಟ ಮೊದಲ ಶಾಸನ ----- ಹಲ್ಮಿಡಿ ಶಾಸನ

● ಹಲ್ಮಿಡಿ ಶಾಸನ ಇಲ್ಲಿ ಇರುವುದು ----- ಹಾಸನ ಜಿಲ್ಲೆ ಬೇಲೂರು ತಾಲೂಕಿನ ಹಲ್ಮಿಡಿ ಗ್ರಾಮ

● ಹಲ್ಮಿಡಿ ಶಾಸನದ ಕರ್ತೃ ----- ಕಾಕುಸ್ಥವರ್ಮ

● ತಾಳಗುಂದ ಶಾಸನದ ಕರ್ತೃ ----- ಕವಿ ಕುಬ್ಜ

● ತಾಳಗುಂದ ಶಾಸನವನ್ನು ಬರೆಯಿಸಿದವರು ----- ಶಾಂತಿ ವರ್ಮ (ಶಿವಮೊಗ್ಗ ದಲ್ಲಿದೆ)

● ಮಹಿಪವೊಲು ತಾಮ್ರ ಶಾಸನದ ಕರ್ತೃ ----- ಶಿವಸ್ಕಂದ ವರ್ಮ

● ವಾಯಲೂರು ಸ್ತಂಭ ಶಾಸನದ ಕರ್ತೃ ----- ರಾಜ ಸಿಂಹ

● ಕರ್ನಾಟಕದ ಸಂಗೀತವನ್ನು ತಿಳಿಸುವ ಮೊಟ್ಟ ಮೊದಲ ಶಾಸನ ----- 1ನೇ ಮಹೇಂದ್ರ ಮರ್ಮನ್ ನ “ಕುಡಿಮಿಯಾ ಮಲೈ ಶಾಸನ ”

● ನಾನಾ ಘಾಟ್ ಶಾಸನದ ಕರ್ತೃ ----- ನಾಗನೀಕ

● ಗುಹಾಂತರ ನಾಸಿಕ್ ಶಾಸನದ ಕರ್ತೃ ----- ಗೌತಮೀ ಬಾಲಾಶ್ರೀ

● ವೆಳ್ವಕುಡಿ ತಾಮ್ರ ಶಾಸನದ ಕರ್ತೃ ----- ಪರಾಂತಕ ಚೋಳ

°°°°°°°°°°°′°°°°°°°°°°°°°°°°°°°°°°°°°°°°°°°°°°°° ಸಂಗ್ರಹ:ANAND SHIKKERI (Asst Master)

ಕೃಪೆ: ವಾಟ್ಸಪ್ ಮಾಹಿತಿ.

°°°°°°°°°°°°°°°°°°°°°°°°°°°°°°°°°°°°°°°°°°′°°°°°°°

ಪ್ರಿಟ್ಜಕರ್ ವಾಸ್ತುಶಿಲ್ಪ ಗೌರವ ಮತ್ತು ಬಾಲಕೃಷ್ಣ ದೋಷಿ

ಭಾರತದ ವಾಸ್ತುಶಿಲ್ಪಿ ಬಾಲಕೃಷ್ಣ ದೋಷಿ ಅವರಿಗೆ ನೊಬೆಲ್‌ಗೆ ಸಮಾನವಾದ ‘ಪ್ರಿಟ್ಜಕರ್‌’ ಪ್ರಶಸ್ತಿ ಲಭಿಸಿದೆ. ಈ ಪ್ರಶಸ್ತಿ ಪಡೆದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೂ ಅವರು ಪಾತ್ರರಾಗಿದ್ದಾರೆ.

60 ವರ್ಷಗಳಿಗಿಂತಲೂ ಹೆಚ್ಚು ಕಾಲ ಈ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದವರಿಗೆ ಪ್ರಶಸ್ತಿ ನೀಡಲಾಗುತ್ತದೆ. ಪ್ರಶಸ್ತಿಯು ₹65ಲಕ್ಷ (1ಲಕ್ಷ ಡಾಲರ್‌) ಮೊತ್ತವನ್ನು ಒಳಗೊಂಡಿದೆ.

ಬೆಂಗಳೂರು ಐಐಎಂ, ಅಹಮದಾಬಾದ್‌ನ ‘ಸೆಂಟರ್ ಫಾರ್ ಎನ್ವಿರಾನ್‌ಮೆಂಟಲ್ ಪ್ಲಾನಿಂಗ್ ಅಂಡ್ ಟೆಕ್ನಾಲಜಿ’ ಸೇರಿದಂತೆ ಹಲವು ಕಟ್ಟಡಗಳಿಗೆ ಬಾಲಕೃಷ್ಣ ವಿನ್ಯಾಸ ಮಾಡಿದ್ದಾರೆ.

ಬಾಲಕೃಷ್ಣ ದೋಷಿ ಜನನ

ಆಗಸ್ಟ್ ೨೬, ೧೯೨೭ ರಂದು ಪುಣೆಯಲ್ಲಿ ಜನಿಸಿದರು.‌
ಅವರ ಶೈಕ್ಷಣಿಕ ವೃತ್ತಿಜೀವನವನ್ನು ಮುಂಬೈನಲ್ಲಿರುವ ಸರ್ ಜೆಜೆ ಕಾಲೇಜ್ ಆಫ್ ಆರ್ಕಿಟೆಕ್ಚರ್ನಲ್ಲಿ ಪ್ರಾರಂಭಿಸಿದರು. ಅವರು 1956 ರಲ್ಲಿ ತಮ್ಮದೇ ಆದ ಅಭ್ಯಾಸ, ವಾಸ್ತುಶಿಲ್ಪವನ್ನು ಸ್ಥಾಪಿಸಿದರು ಮತ್ತು 1960 ರ ದಶಕದಲ್ಲಿ ಅವರ ಸ್ವಂತ ವಿನ್ಯಾಸದ ಶಾಲೆ  ಅಹಮದಾಬಾದ್ ಸ್ಕೂಲ್ ಆಫ್ ಆರ್ಕಿಟೆಕ್ಚರ್ ಅನ್ನು ಸ್ಥಾಪಿಸಿದರು (CEPT). 1950 ರ ದಶಕದಲ್ಲಿ ಚಂಡೀಗಢ ಮತ್ತು ಅಹಮದಾಬಾದ್ನಲ್ಲಿ ಆಧುನಿಕತಾವಾದದ ಮಾಸ್ಟರ್ ಆಗಿದ್ದ ಸ್ವಿಸ್-ಫ್ರೆಂಚ್ ವಾಸ್ತುಶಿಲ್ಪಿ ಲೆ ಕೊರ್ಬ್ಯೂಸಿಯರ್ ಅವರು ನಿಕಟವಾಗಿ ಕೆಲಸ ಮಾಡಿದರು.ಈ ಪುರಸ್ಕಾರದ ಸಂದರ್ಭ ನನ್ನ ಗುರು, ಲೆ ಕಾರ್ಬ್ಯುಸಿಯರ್ಗೆ ನಾನು ಈ ಪ್ರತಿಷ್ಠಿತ ಬಹುಮಾನವನ್ನು ಅರ್ಪಿಸಿದ್ದೇನೆ ಎಂದು ದೋಶಿ ತಿಳಿಸಿದ್ದಾರೆ, ಅವರ ಬೋಧನೆಗಳು ನನಗೆ ಗುರುತನ್ನು ಪ್ರಶ್ನಿಸಲು ದಾರಿ ಮಾಡಿಕೊಟ್ಟವು ಮತ್ತು ಸುಸ್ಥಿರ ಸಮಗ್ರ ಆವಾಸಸ್ಥಾನಕ್ಕಾಗಿ ಪ್ರಾದೇಶಿಕವಾಗಿ ಅಳವಡಿಸಿಕೊಂಡ ಸಮಕಾಲೀನ ಅಭಿವ್ಯಕ್ತಿಗಳನ್ನು ಕಂಡುಕೊಳ್ಳಲು ನನ್ನನ್ನು ಒತ್ತಾಯಿಸಿತು.

ಇತಿಹಾಸದಲ್ಲೇ ಮೊದಲ ಭಾರತೀಯ ವಾಸ್ತುಶಿಲ್ಪಿ ಮತ್ತು ಪ್ರಶಸ್ತಿಯ ಇತಿಹಾಸದಲ್ಲಿ 45 ನೇ ಪ್ರಶಸ್ತಿ ವಿಜೇತರಾಗಿದ್ದಾರೆ. ವಾಸ್ತುಶಿಲ್ಪಿ, ನಗರ ಯೋಜಕ, ಶಿಕ್ಷಕರು, ಅವರ ಸಮಗ್ರತೆ ಮತ್ತು ಭಾರತಕ್ಕೆ ಮತ್ತು ಅದಕ್ಕೂ ಮೀರಿದ ಅವರ ದಣಿವರಿಯದ ಕೊಡುಗೆಗಳಿಗಾಗಿ ಅವರ ಹಲವಾರು ಕೊಡುಗೆಗಳಿಗಾಗಿ, ಪ್ರಿಟ್ಜ್ಕರ್ ಆರ್ಕಿಟೆಕ್ಚರ್ ಪ್ರಶಸ್ತಿ ಜ್ಯೂರಿ 2018 ಪ್ರಿಟ್ಜ್ಕರ್ ಲಾರಿಯೇಟ್ ಆಗಿ ಬಾಲಕೃಷ್ಣ ದಾಶಿ ಅವರನ್ನು ಆಯ್ಕೆ ಮಾಡಿರುತ್ತಾರೆ ಎಂದು ತೀರ್ಪುಗಾರರ ಉಲ್ಲೇಖಿಸಿದ್ದಾರೆ. 2005 ರಿಂದ 2007 ರ ನಡುವಿನ ಪ್ರಿಟ್ಜ್ಕರ್ ಆರ್ಕಿಟೆಕ್ಚರ್ ಪ್ರೈಜ್ ಜ್ಯೂರರ್ ಆಗಿ ಸೇವೆ ಸಲ್ಲಿಸಿದ್ದ 90 ವರ್ಷ ವಯಸ್ಸಿನ ವಾಸ್ತುಶಿಲ್ಪಿ, ಅರ್ಬನ್ ಪ್ಲಾನರ್ ಮತ್ತು ಶಿಕ್ಷಕ, ಜೀವನಶೈಲಿ ಮತ್ತು ವಾಸ್ತುಶಿಲ್ಪದ ಬೆಸುಗೆಯನ್ನು ಮಾಡುವಾಗ ಆಚರಿಸಲಾಗುತ್ತದೆ ಎಂದು ನನ್ನ ನಂಬಿಕೆಯನ್ನು ಇದು ಪುನರುಚ್ಚರಿಸುತ್ತದೆ. ವರ್ಷದ ಜ್ಯೂರಿಯ ಸದಸ್ಯರು ಭಾರತೀಯ ಕೈಗಾರಿಕೋದ್ಯಮಿ, ಹೂಡಿಕೆದಾರರು, ಲೋಕೋಪಕಾರಿ ಮತ್ತು ಟಾಟಾ ಸನ್ಸ್, ರತನ್ ಟಾಟಾದ ಮಾಜಿ ಅಧ್ಯಕ್ಷರಾಗಿದ್ದರು.

ದೋಶಿಯ ವಾಸ್ತುಶೈಲಿಯು ಮಾನವ ಜೀವನದ ಮೂಲಭೂತ ಅಗತ್ಯತೆಗಳು, ಸ್ವಯಂ ಮತ್ತು ಸಂಸ್ಕೃತಿಯ ಸಂಪರ್ಕ ಮತ್ತು ಸಾಮಾಜಿಕ ಸಂಪ್ರದಾಯಗಳ ಅರ್ಥೈಸುವಿಕೆ, ಸ್ಥಳ ಮತ್ತು ಅದರ ಪರಿಸರಕ್ಕೆ ಸಂಬಂಧಿಸಿದಂತೆ ಮತ್ತು ಆಧುನಿಕತಾವಾದದ ಪ್ರತಿಕ್ರಿಯೆಯ ನಡುವಿನ ಸಂಬಂಧವನ್ನು ಪರಿಶೋಧಿಸುತ್ತದೆ. ಬಾಲ್ಯದ ನೆನಪುಗಳು, ಹವಾಮಾನದ ಲಯದಿಂದ ದೇವಾಲಯದ ಘಂಟೆಗಳ ರಿಂಗಿಂಗ್ಗೆ, ಅವರ ವಿನ್ಯಾಸಗಳನ್ನು ತಿಳಿಸಿ. ಅವರು ವಾಸ್ತುಶೈಲಿಯನ್ನು ದೇಹದ ವಿಸ್ತರಣೆಯೆಂದು ವಿವರಿಸುತ್ತಾರೆ, ಮತ್ತು ಹವಾಮಾನ, ಭೂದೃಶ್ಯ, ಮತ್ತು ನಗರೀಕರಣದ ಬಗ್ಗೆ ಗಮನ ಹರಿಸುವಾಗ ಅವರ ಗಮನವನ್ನು ಸಮರ್ಥವಾಗಿ ನಿರ್ವಹಿಸುವ ಅವರ ಸಾಮರ್ಥ್ಯ, ವಸ್ತುಗಳ ಮೇಲಿನ ಆಯ್ಕೆ, ಅತಿಕ್ರಮಿಸುವ ಜಾಗಗಳು, ಮತ್ತು ನೈಸರ್ಗಿಕ ಮತ್ತು ಸುಸಂಗತಗೊಳಿಸುವ ಅಂಶಗಳನ್ನು ಬಳಸಿಕೊಳ್ಳುವ ಮೂಲಕ ಪ್ರದರ್ಶಿಸಲಾಗುತ್ತದೆ.

2018 ರ ಜ್ಯೂರಿ ಉಲ್ಲೇಖದ ಭಾಗವು ಭಾಗಶಃ ವರ್ಷಗಳಲ್ಲಿ, ಬಾಲಕೃಷ್ಣ ದೋಷಿ ಯಾವಾಗಲೂ ಗಂಭೀರವಾದ ವಾಸ್ತುಶಿಲ್ಪವನ್ನು ಸೃಷ್ಟಿಸಿದೆ, ಎಂದಿಗೂ ಅಲಂಕಾರಿಕ ಅಥವಾ ಪ್ರವೃತ್ತಿಗಳ ಅನುಯಾಯಿಯಾಗಿದ್ದಾರೆ. ಉನ್ನತ ಮಟ್ಟದ ಜವಾಬ್ದಾರಿ ಮತ್ತು ಅಧಿಕೃತ ವಾಸ್ತುಶೈಲಿಯ ಮೂಲಕ ತನ್ನ ದೇಶದ ಮತ್ತು ಅದರ ಜನರಿಗೆ ಕೊಡುಗೆ ನೀಡುವ ಆಸೆ, ಅವರು ಸಾರ್ವಜನಿಕ ಆಡಳಿತ ಮತ್ತು ಉಪಯುಕ್ತತೆಗಳನ್ನು, ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ಸಂಸ್ಥೆಗಳಿಗೆ ಯೋಜನೆಗಳನ್ನು ರಚಿಸಿದ್ದಾರೆ, ಮತ್ತು ಖಾಸಗಿ ಗ್ರಾಹಕರ ನಿವಾಸಗಳು. ತೀರ್ಪುಗಾರರ ಮುಂದುವರಿಯುತ್ತದೆ, ಅವರ ಕಟ್ಟಡಗಳು ಇರುವ ಸಂದರ್ಭದ ಬಗ್ಗೆ ದೋಷಿಯವರಿಗೆ ಚೆನ್ನಾಗಿ ತಿಳಿದಿರುತ್ತದೆ. ಅವರ ಪರಿಹಾರಗಳು ಸಾಮಾಜಿಕ, ಪರಿಸರ ಮತ್ತು ಆರ್ಥಿಕ ಆಯಾಮಗಳನ್ನು ಪರಿಗಣಿಸಿವೆ ಮತ್ತು ಆದ್ದರಿಂದ ಅವರ ವಾಸ್ತುಶಿಲ್ಪವು ಸಮರ್ಥನೀಯತೆಯೊಂದಿಗೆ ಸಂಪೂರ್ಣವಾಗಿ ನಿಶ್ಚಿತವಾಗಿದೆ. ಹಾಗಾಗಿಯೇ ಭಾರತೀಯ ವಾಸ್ತುಶಿಲ್ಪಿ ಬಾಲಕೃಷ್ಣ ದೋಷಿ(90) ಅವರು ಪ್ರಿಟ್ಝ್‌ಕರ್‌ ಆರ್ಕಿಟೆಕ್ಚರ್‌ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಪುಣೆ ಮೂಲದವರಾದ ಬಾಲಕೃಷ್ಣ ದೋಷಿ ಈ ಪ್ರಶಸ್ತಿಗೆ ಭಾಜನರಾದ ಮೊದಲ ಭಾರತೀಯರಾಗಿದ್ದಾರೆ.ಬಾಲಕೃಷ್ಣ ದೋಷಿ ಅವರು ಗಂಭೀರವಾದ ವಾಸ್ತುಶಿಲ್ಪವನ್ನು ಸೃಷ್ಟಿಸುತ್ತ ಬಂದಿದ್ದಾರೆ. ಅತ್ಯುತ್ತಮ ಗುಣಮಟ್ಟ, ದೃಢವಾದ ಹೊಣೆಗಾರಿಕೆ ಮತ್ತು ತಮ್ಮ ದೇಶಕ್ಕೆ ಏನಾದರೂ ಕೊಡುಗೆ ನೀಡಲೇಬೇಕೆಂಬ ಹಂಬಲ ಅವರದ್ದಾಗಿತ್ತು. ಅವರು ಬರೇ ಕಟ್ಟಡಗಳ ವಿನ್ಯಾಸ ಮಾಡುತ್ತಿರಲಿಲ್ಲ, ಸಂಸ್ಥೆಗಳ ವಿನ್ಯಾಸ ಮಾಡುತ್ತಿದ್ದರು. ಹಲವಾರು ಸರಕಾರಿ ಮತ್ತು ಸಾರ್ವಜನಿಕ ಸೌಲಭ್ಯಗಳ ಕಟ್ಟಡಗಳು, ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ಸಂಸ್ಥೆಗಳ ವಿನ್ಯಾಸಗಳನ್ನು ರಚಿಸಿದ್ದರು. ಎಂದು ಪ್ರಿಟ್ಝ್‌ಕರ್‌ ಆಯ್ಕೆದಾರರ ಮಂಡಳಿ ತಿಳಿಸಿದೆ.

**********************************************ಸಂಗ್ರಹ: ANAND SHIKKERI (Asst master)

ಕೃಪೆ: ಗೂಗಲ್ & ಪ್ರಜಾವಾಣಿ

***********************************************

ಜಾಗತೀಕ ಸೇನಾ ಬಲದ ಸಮೀಕ್ಷೆಯಲ್ಲಿ ಭಾರತ

ಸೇನಾ ಬಲದ ಜಾಗತಿಕ ಸಮೀಕ್ಷೆ: ಭಾರತಕ್ಕೆ 4ನೇ ಸ್ಥಾನ

ಸೇನಾ ಬಲದ ಜಾಗತಿಕ ಸಮೀಕ್ಷೆ: ಭಾರತಕ್ಕೆ 4ನೇ ಸ್ಥಾನ
ಬೆಂಗಳೂರು: ವಿವಿಧ ದೇಶಗಳ ಸೇನಾ ಶಕ್ತಿ ಎಷ್ಟಿದೆ ಎಂಬ ಜಾಗತಿಕ ಸಮೀಕ್ಷೆ ಮತ್ತು ಅದರ ಆಧಾರದಲ್ಲಿ ನೀಡಲಾದ ರ‍್ಯಾಂಕಿಂಗ್‌ ಅನ್ನು ಗ್ಲೋಬಲ್‌ ಫೈರ್‌ ಪವರ್‌ ಸಂಸ್ಥೆಯು ಬಿಡುಗಡೆಗೊಳಿಸಿದೆ.
ಸೇನಾ ಶಕ್ತಿಯಲ್ಲಿ ಅಮೆರಿಕ ಮೊದಲ ಸ್ಥಾನದಲ್ಲಿದ್ದರೆ ಭಾರತ ನಾಲ್ಕನೇ ಸ್ಥಾನ ಪಡೆದಿದೆ. 50 ಅಂಶಗಳ ಆಧಾರದಲ್ಲಿ ಈ ಸಮೀಕ್ಷೆ ನಡೆಸಲಾಗಿದೆ.
ಸಣ್ಣ ಮತ್ತು ಹೆಚ್ಚು ಆಧುನಿಕವಾದ ದೇಶಗಳು ಮತ್ತು ದೊಡ್ಡ ಹಾಗೂ ಕಡಿಮೆ ಆಧುನಿಕವಾದ ದೇಶಗಳ ಸಾಮರ್ಥ್ಯವನ್ನು ಅಳೆಯುವುದಕ್ಕೆ ಬೇಕಾದ ರೀತಿಯಲ್ಲಿ ಸೂತ್ರವನ್ನು ಅಭಿವೃದ್ಧಿಪಡಿಸಲಾಗಿತ್ತು. ಬೋನಸ್‌ ಅಂಕ ಮತ್ತು ದಂಡನಾ ಅಂಕಗಳ ನೀಡಿಕೆ ಮೂಲಕ ಎಲ್ಲ ದೇಶಗಳಿಗೂ ಸಮಾನ ಅವಕಾಶ ನೀಡಲಾಗಿದೆ ಎಂದು ಸಮೀಕ್ಷಾ ವರದಿಯಲ್ಲಿ ಹೇಳಲಾಗಿದೆ.
ಅಂಕ ನೀಡಿಕೆಗೆ ಪರಿಗಣನೆ
* ಶಸ್ತ್ರಾಸ್ತ್ರದ ಒಟ್ಟು ಸಂಖ್ಯೆಯನ್ನು ಮಾತ್ರ ಆಧರಿಸಿ ಶ್ರೇಣಿ ನೀಡಲಾಗಿಲ್ಲ. ಶಸ್ತ್ರಾಸ್ತ್ರ ವೈವಿಧ್ಯ ಮತ್ತು ಸಮತೋಲನಕ್ಕೆ ಒತ್ತು ನೀಡಲಾಗಿದೆ.
* ದೇಶಗಳ ಜನಸಂಖ್ಯೆ ಆಧಾರದಲ್ಲಿಯೂ ಅಂಕ ನೀಡಲಾಗಿದೆ. ಯುದ್ಧಕ್ಕೆ ಹೋಗುವ ಸಾಮರ್ಥ್ಯ ಇರುವ ಜನರ ಸಂಖ್ಯೆ (ಸೈನಿಕರಲ್ಲದೆ) ಎಷ್ಟು ಎಂಬುದರ ಅಧಾರದಲ್ಲಿಯೂ ಅಂಕ ನೀಡಲಾಗಿದೆ.
* ಅಣ್ವಸ್ತ್ರ ಇದೆ ಎಂದು ಘೋಷಿಸಿರುವ ಅಥವಾ ಘೋಷಿಸಿಲ್ಲದ ದೇಶಗಳಲ್ಲಿ ಇರುವ ಅಣ್ವಸ್ತ್ರಗಳ ಸಂಖ್ಯೆಯನ್ನು ಗಣನೆಗೆ ತೆಗೆದುಕೊಳ್ಳಲಾಗಿಲ್ಲ. ಆದರೆ ಈ ದೇಶಗಳಿಗೆ ಬೋನಸ್‌ ಅಂಕ ನೀಡಲಾಗಿದೆ.
* ಭೌಗೋಳಿಕ ಅಂಶಗಳು, ನೈಸರ್ಗಿಕ ಸಂಪನ್ಮೂಲ, ಸ್ಥಳೀಯ ಕೈಗಾರಿಕೆಯ ಪ್ರಭಾವಗಳಿಗೂ ಅಂಕ ನೀಡಲಾಗಿದೆ.
* ಎಲ್ಲೆಡೆಯಿಂದಲೂ ನೆಲದಿಂದ ಆವೃತವಾಗಿರುವ ದೇಶಗಳಲ್ಲಿ ನೌಕಾಪಡೆ ಇಲ್ಲ ಎಂಬುದಕ್ಕೆ ಅಂಕ ಕಡಿತಗೊಳಿಸಲಾಗಿಲ್ಲ.
* ನೌಕಾಪಡೆಗಳಿರುವ ದೇಶಗಳಲ್ಲಿ ವೈವಿಧ್ಯಮಯ ನೌಕೆಗಳು ಇಲ್ಲದಿದ್ದಾಗ ಅಂಕ ಕಡಿತ ಮಾಡಲಾಗಿದೆ.
* ನ್ಯಾಟೊ ಮಿತ್ರಕೂಟದ ನಡುವೆ ಸಂಪನ್ಮೂಲ ಹಂಚಿಕೆಗೆ ಅವಕಾಶ ಇರುವುದರಿಂದ ಈ ದೇಶಗಳಿಗೆ ಬೋನಸ್‌ ಅಂಕ ಸಿಕ್ಕಿದೆ.
* ರಾಜಕೀಯ ಮತ್ತು ಸೇನೆಯ ಈಗಿನ ನಾಯಕತ್ವವನ್ನು ಗಣನೆಗೆ ತೆಗೆದುಕೊಳ್ಳಲಾಗಿಲ್ಲ.

133 ದೇಶಗಳ ಸಮೀಕ್ಷೆ ನಡೆಸಲಾಗಿದೆ: ಸೈನಿಕರ ಸಂಖ್ಯೆ

1. ಚೀನಾ 22,60,000
2. ಅಮೆರಿಕ 13,73,650
3. ಭಾರತ 13,62,500
4. ಉತ್ತರ ಕೊರಿಯಾ 9,45,000
5. ರಷ್ಯಾ 7,98,527
6. ಪಾಕಿಸ್ತಾನ 6,37,000
ಯುದ್ಧವಿಮಾನ/ಹೆಲಿಕಾಪ್ಟರ್‌
1. ಅಮೆರಿಕ 13,762
2. ರಷ್ಯಾ  3,794
3. ಚೀನಾ 2,955
4. ಭಾರತ 2,101
5. ಜಪಾನ್‌ 1,594
10. ಪಾಕಿಸ್ತಾನ 951
ಯುದ್ಧ ಟ್ಯಾಂಕ್‌ಗಳು
1. ರಷ್ಯಾ 20,216
2. ಚೀನಾ 6,457
3. ಅಮೆರಿಕ 5,884
4. ಉತ್ತರ ಕೊರಿಯಾ 5,025
5. ಸಿರಿಯಾ 4,640
6. ಭಾರತ 4,426
8. ಪಾಕಿಸ್ತಾನ 2,924
ನೌಕಾಬಲ
1. ಉತ್ತರ ಕೊರಿಯಾ 967
2. ಚೀನಾ 714
3. ಅಮೆರಿಕ 415
4. ಇರಾನ್‌ 398
5. ರಷ್ಯಾ 352
6. ಈಜಿಪ್ಟ್‌ 319
7. ಭಾರತ 295
11. ಪಾಕಿಸ್ತಾನ 197
ಸಮಗ್ರ ರ‍್ಯಾಂಕಿಂಗ್‌
1. ಅಮೆರಿಕ
2. ರಷ್ಯಾ
3. ಚೀನಾ
4. ಭಾರತ
13. ಪಾಕಿಸ್ತಾನ

ರಕ್ಷಣಾ ಬಜೆಟ್‌

1. ಅಮೆರಿಕ  5.87 ಲಕ್ಷ ಕೋಟಿ ಡಾಲರ್‌ (ಅಂದಾಜು ₹410 ಲಕ್ಷ ಕೋಟಿ ರೂಪಾಯಿ)
2. ಚೀನಾ 1.61 ಲಕ್ಷ ಕೋಟಿ ಡಾಲರ್‌ (ಸುಮಾರು ₹ 100 ಲಕ್ಷ ಕೋಟಿ)
3. ಸೌದಿ ಅರೇಬಿಯಾ 56,725 ಕೋಟಿ ಡಾಲರ್‌ (ಸುಮಾರು ₹37 ಲಕ್ಷ ಕೋಟಿ)
4. ಭಾರತ 51,000 ಕೋಟಿ ಡಾಲರ್‌ (32,500 ಲಕ್ಷ

ಸಂತ ಸೇವಾಲಾಲ ದಿನಾಚರಣೆ

ಸಂತ_ಸೇವಾಲಾಲರ ೨೭೯ ನೇ ಜಯಂತಿಯ ಪ್ರಯುಕ್ತ ಅವರ ಇತಿಹಾಸ ನನ್ನ ಓದುಗರಿಗಾಗಿ

ಪೆಬ್ರವರಿ 15, 2018 ಮಹಾ ಸಂತ ಶ್ರೀ ಸೇವಾಲಾಲರ 279ನೇ ಜಯಂತಿ. ಕರ್ನಾಟಕ ಸರಕಾರ ಈ ಮಹಾಸಂತನ ಜಯಂತಿಯನ್ನು ಕರ್ನಾಟಕದಾದ್ಯಂತ ಮೊಟ್ಟಮೊದಲ ಬಾರಿಗೆ ಸರಕಾರದ ವತಿಯಿಂದ ಆಚರಿಸುತ್ತಿದ್ದು, ತನ್ನಿಮಿತ್ತ ಈ ಲೇಖನ, ಲೋಕಕಲ್ಯಾಣಕ್ಕಾಗಿ ಈ ಭರತ ಭೂಮಿಯಲ್ಲಿ ಹಲವು ಜನ ಸಾಧು-ಸಂತರು, ಸತ್ಪುರುಷರು, ಮೇಧಾವಿಗಳು, ದಾರ್ಶನಿಕರು, ಬುದ್ಧಿಜೀವಿಗಳು ಮತ್ತು ತ್ಯಾಗಿಗಳು ಅವತರಿಸಿದ್ದಾರೆ. ಜನತೆಯಲ್ಲಿನ ಜಾತಿಪದ್ಧತಿ ಮತ್ತು ಧರ್ಮಾಂಧತೆಗಳನ್ನು ತೊಡೆದುಹಾಕಲು ಆಯಾ ಕಾಲಘಟ್ಟದಲ್ಲಿ ಹಲವು ಜನ ಸಾಂಸ್ಕೃತಿಕ ನಾಯಕರು, ಮೇಧಾವಿಗಳು ಹೋರಾಟ ಮಾಡಿದ್ದಾರೆ.

ಸೇವಾಲಾಲನ ಜನನ, ಮರಣ, ಜೀವನ, ಸಾಧನೆ, ಹೋರಾಟಗಳ ಹಿನ್ನೆಲೆಯಲ್ಲಿ ಲಂಬಾಣಿ ಮೌಖಿಕ ಪರಂಪರೆಯಲ್ಲಿ ಹಲವು ಐತಿಹ್ಯ ಕಥೆ ಪುರಾಣಗಳು ಹುಟ್ಟಿಕೊಂಡಿವೆ. ಇವುಗಳು ಸೇವಾಲಾಲನ ವಾಸ್ತವ ಸಂಗತಿಗಳಿಗಿಂತ ಹೆಚ್ಚಾಗಿ ಅವನನ್ನು ಒಬ್ಬ ಪೌರಾಣಿಕ ವ್ಯಕ್ತಿಯನ್ನಾಗಿ ಚಿತ್ರಿಸಿ ದೈವತ್ವಕ್ಕೆ ಏರಿಸಿವೆ. ವಾಸ್ತವವಾಗಿ ಸೇವಾಲಾಲ ತಮ್ಮ ಜೀವಿತ ಕಾಲಾವಧಿಯಲ್ಲಿ ತನ್ನನ್ನು ನಂಬಿದ ಒಂದು ಜನಾಂಗದ ತನ್ನದೆಲ್ಲವನ್ನೂ ಧಾರೆ ಎರೆದ ಒಬ್ಬ ಮಹಾಸಂತನೆಂಬುದು ಸತ್ಯ. ಲಂಬಾಣಿಗರಲ್ಲಿ ಸೇವಾಲಾಲ್ ಬಹುದೊಡ್ಡ ಸಾಧುಪುರುಷ. ಬಾಲಬ್ರಹ್ಮಚಾರಿಯಾಗಿ ತಪಸ್ಸು, ಧ್ಯಾನ ಮತ್ತು ಭಕ್ತಿ ಮೂಲಕ ಅಧ್ಯಾತ್ಮವನ್ನು ಅಪ್ಪಿಕೊಂಡು, ತನ್ನ ಜನಾಂಗದ ಸೇವೆಯನ್ನು ಮಾಡಿದ ಮಹಾನ್ ಹಿತಚಿಂತಕ. ಅಧ್ಯಾತ್ಮದ ಮೂಲಕವಾಗಿ ಜನಾಂಗಕ್ಕೆ ಉಪದೇಶಗಳನ್ನು ನೀಡಿ, ಸನ್ಮಾರ್ಗದತ್ತ ಕೊಂಡೊಯ್ದ ಮಾರ್ಗದರ್ಶಕ. ಸೇವಾಲಾಲರ ಬೋಧನೆ ಮತ್ತು ಚಿಂತನೆಗಳು ಬಂಜಾರ ಜನಾಂಗದಲ್ಲಿ ಇಂದು ಐಕ್ಯತೆ ಯನ್ನುಂಟುಮಾಡಿರುವುದು ಸ್ಪಷ್ಟ.

ಇಂದು ಬಂಜಾರರು ಸಾಂಸ್ಕೃತಿಕ ನೆಲೆಯಲ್ಲಿ ತನ್ನ ಅಸ್ಮಿತೆಯನ್ನು ಗುರುತಿಸಿಕೊಳ್ಳಲು ಮಹಾನುಭಾವರ ಸತ್ಕಾರ್ಯಗಳೇ ಕಾರಣವಾಗಿವೆ. ಹೀಗಾಗಿ ಬಂಜಾರ ಸಮುದಾಯದಲ್ಲಿ ಸೇವಾಲಾಲರು ವೀರನಾಗಿ, ವಿರಾಗಿಯಾಗಿ, ಒಬ್ಬ ಶ್ರೇಷ್ಠ ದಾರ್ಶನಿಕನಾಗಿ ಮತ್ತು ಸಾಂಸ್ಕೃತಿಕ ನಾಯಕನಾಗಿ ಚಿರಸ್ಥಾಯಿಯಾಗಿದ್ದಾರೆ. ಸೇವಾಲಾಲರು ಹುಟ್ಟಿನಿಂದಲೇ ದೈವಾಂಶ ಸಂಭೂತ. ಆತನ ಚರಿತ್ರೆ, ಪವಾಡ, ಅವತಾರ, ಮೊದಲಾದವುಗಳನ್ನು ಲಂಬಾಣಿಗಳು ತಮ್ಮ ಭಜನೆಗಳಲ್ಲಿ ದಿನಗಟ್ಟಲೆ, ವಾರಗಟ್ಟಲೇ ಹಾಡುತ್ತಾರೆ. ಸೇವಾಲಾಲರ ಕಾಲ, ಜನನ, ವೃತ್ತಾಂತ, ಮರಣ ಮತ್ತು ಬದುಕಿನ ಬಗೆಗೆ ಈಗಾಗಲೇ ಸಾಕಷ್ಟು ಚರ್ಚೆ ನಡೆದಿದೆ. ಚಾರಿತ್ರಿಕ ಆಧಾರಗಳು ಇಲ್ಲದ್ದರಿಂದ ಯಾವುದೇ ಖಚಿತವಾದ ಮಾಹಿತಿಗಳು ದೊರೆಯುವುದಿಲ್ಲ. ಅವರ ಕಥನ ಗೀತೆಗಳು, ಲಾವಣಿಗಳು, ಭಜನೆ-ಗೀತೆ ಹಾಗೂ ಕೆಲವು ಭೌಗೋಳಿಕ ಆಧಾರಗಳನ್ನು ಆಧರಿಸಿ ಇದೀಗ ಶಿವಮೊಗ್ಗ ಜಿಲ್ಲೆಯ ಹೊನ್ನಾಳಿ ತಾಲ್ಲೂಕಿನ ಸೂರಗೊಂಡನಕೊಪ್ಪವೇ ಸೇವಾಲಾಲರ ಜನ್ಮಸ್ಥಳವೆಂದು ನಿರ್ಧರಿಸಲಾಗಿದೆ. ಈ ಪ್ರದೇಶದಲ್ಲಿ ಇಂದಿಗೂ ಕಂಡುಬರುವ ಝುಮ್ರಿ ಝೋಲ್, ಭೂರಿಪಟಾರ್, ಚಂದನಖೋಳಿ, ಕಾಳೋಕೂಂಡೋ, ಕಿಂಚೇರ್ ಗುಂಡಿ, ಬನದವ್ವನ ಗುಡಿ ಮತ್ತು ಗೊಲ್ಲನಮಟ್ಟಿ ಮೊದಲಾದ ಸ್ಥಳಗಳು ಅವರ ಲಾವಣಿಗಳಲ್ಲಿ ಸ್ಪಷ್ಟವಾಗಿ ದಾಖಲಾಗಿರುವುದರಿಂದ ಸೂರಗೊಂಡನಕೊಪ್ಪ ಪ್ರದೇಶವೇ ಸೇವಾಲಾಲರ ಜನ್ಮಸ್ಥಳ ಆಗಿರುವುದರಲ್ಲಿ ಯಾವ ಸಂದೇಹಗಳು ಇರಲಾರವು.

ಭೀಮಾ ನಾಯಕ ಹಾಗೂ ಧರ್ಮಿಣಿ ಬಾಯಿಗೆ ಮದುವೆ ಮಾಡುತ್ತಾರೆ. ಮದುವೆಯಾಗಿ 12 ವರ್ಷ ಕಳೆದರೂ ಸಂತಾನ ಪ್ರಾಪ್ತಿಯಾಗುವುದಿಲ್ಲ. ಈ ದಂಪತಿಗಳಿಬ್ಬರೂ ಜಗನ್ಮಾತೆಯ ಭಕ್ತಿಸೇವೆಯಲ್ಲಿ ಸುಖ-ಸಂತೋಷದಿಂದ ಬದುಕು ಸಾಗಿಸುತ್ತಿದ್ದರು. ಸಂತಾನ ಪ್ರಾಪ್ತಿಗಾಗಿ ಕಂಡ ಕಂಡ ದೇವರು-ದೇವತೆಗಳಿಗೆ ಮೊರೆ ಹೋದರೂ ಪ್ರಯೋಜನವಾಗಲಿಲ್ಲ. ಕೊನೆಗೆ, ಜಗದಂಬೆಯನ್ನೇ ನಂಬಿಕೊಂಡು ಅವಳ ಭಕ್ತಿಯಲ್ಲಿ ಕಾಲ ಕಳೆಯುತ್ತಾ, ಸಂತಾನ ಪ್ರಾಪ್ತಿಗಾಗಿ ಸಂಕಲ್ಪವನ್ನು ಮಾಡಿ ಭೀಮಾ ನಾಯಕರು ಘೋರವಾದ ತಪಸ್ಸನ್ನು ಕೈಗೊಳ್ಳುತ್ತಾನೆ. ಕೊನೆಗೆ ಶಿವ-ಪಾರ್ವತಿಯ ಕರುಣೆಯಿಂದ ಸಂತಾನ ಭಾಗ್ಯವನ್ನು ಈ ನಡುವೆ ತಮಗೆ ಮಗುವಾದರೆ ಭಕ್ತಿಯ ಹೆಸರಲ್ಲಿ ನಿನಗೆ ಒಪ್ಪಿಸುತ್ತೇವೆ ಎಂದು ಮರಿಯಮ್ಮನಲ್ಲಿ ಹರಕೆ ಹೊತ್ತಿರುತ್ತಾರೆ. ಹೀಗೆ ಹುಟ್ಟಿದ ಮಗು ಸಾಮಾನ್ಯ ಮಗುವಾಗಿರಲಿಲ್ಲ. ಅವನೊಬ್ಬ ಸತ್ಪುರುಷನಾಗಿದ್ದ. ಮಾಣಿಕ್ಯದಂತಹ ಮಗುವಿಗೆ ಸಾಕ್ಷಾತ್ ಮಾತೆ ಜಗದಂಬೆಯೇ ಮಾರುವೇಷದಲ್ಲಿ ಬಂದು, ಸೇವಾಭಾಯಾ, ಸೇವಾಲಾಲ ಎಂದು ನಾಮಕರಣ ಮಾಡುತ್ತಾಳೆ.

ಆ ಮಗು ಶಿವನ ಅವತಾರಿಯಾಗಿದ್ದು, ದೇವಿಯ ಭಕ್ತನಾಗಿದ್ದಾನೆ. ಆತನು ಬಂಜಾರ ಕುಲದ ವಂಶೋದ್ಧಾರಕನಾಗಿದ್ದು, ದುಷ್ಟರನ್ನು ಸಂಹರಿಸಿ, ಶಿಷ್ಟರ ರಕ್ಷಣೆ ಮಾಡುವನೆಂದು ಜಗದಂಬೆ ಹೇಳಿ, ಅಲ್ಲಿಂದ ಕಾಲಚಕ್ರ ಗತಿಸಿ ಸೇವಾಲಾಲನಿಗೆ 12 ವರ್ಷ ತುಂಬಿದಾಗ ಮರಿಯಮ್ಮ ತನ್ನ ಷರತ್ತನ್ನು ಈಡೇರಿಸಬೇಕೆಂದು ಧರ್ಮಿಣಿ ಬಾಯಿಯ ಕನಸಿನಲ್ಲಿ ಬಂದು ಸೇವಾಲಾಲನನ್ನು ತನ್ನ ಸೇವೆಗೆ ಬಿಡಬೇಕೆಂದು ಒತ್ತಾಯಿಸುತ್ತಾಳೆ. ಅದಕ್ಕೆ ಧರ್ಮಿಣಿಯು ಒಪ್ಪದೇ ಹೋದಾಗ ನೇರವಾಗಿ ಸೇವಾಲಾಲನನ್ನು ತನ್ನ ಭಕ್ತನಾಗಬೇಕೆಂದು, ತನ್ನ ಜತೆಗೆ ಬರಬೇಕೆಂದು ಕೇಳಿದಾಗ ಅವನೂ ಭಕ್ತನಾಗಲು ತಿರಸ್ಕರಿಸುತ್ತಾನೆ. ತಾನು ಪರಮಾತ್ಮನ ಸೇವಕನೆಂದು, ಮರಿಯಮ್ಮಳ ಸೇವೆ ಮಾಡಲಾರನೆಂದು ಹಠ ಹಿಡಿಯುತ್ತಾನೆ. ಇದರಿಂದ ಅವಮಾನಿತಳಾದ ಮರಿಯಮ್ಮ ಸೇವಾಲಾಲನ ಕುಟುಂಬದ ಸರ್ವಸ್ವವನ್ನು ನಾಶ ಮೂಲಕ ಪರಿಪರಿಯಾಗಿ ಕಾಡಿಸುತ್ತಾಳೆ. ಇದರಿಂದ ಹತಾಶನಾದ ಸೇವಾಭಾಯಾ ಅನಿವಾರ್ಯವಾಗಿ ಜಗನ್ಮಾತೆಯ ಭಕ್ತನಾಗಲು ಒಪ್ಪಿಕೊಳ್ಳುತ್ತಾನೆ.

ಕಾಲಗತಿಯಲ್ಲಿ ಹತ್ತಾರು ವರ್ಷಗಳವರೆಗೆ ಮರಿಯಮ್ಮನ ಸೇವೆಗೆ ತೊಡಗಿಸಿಕೊಂಡ ಸೇವಾಲಾಲರು ಮುಂದೆ ಸಮುದಾಯದಲ್ಲಿ ಜಗನ್ಮಾತೆಗಿಂತ ಹೆಚ್ಚಿನ ಜನಪ್ರಿಯತೆಯನ್ನು ಪಡೆಯುತ್ತಾನೆ. ಜನರು ಮರಿಯಮ್ಮನನ್ನು ಮರೆತು ಸೇವಾಲಾಲನನ್ನೇ ಪೂಜಿಸುವಂತೆ ಮಹಾನ್ ಸಾಧಕನಾಗಿ ಮೆರೆಯುತ್ತಾನೆ. ತನ್ನ ಜನಸಮುದಾಯದ ಏಳಿಗೆಗಾಗಿ ಶ್ರಮಿಸಿ, ಅವರ ಬದುಕನ್ನು ಹಸನುಗೊಳಿಸಲು ನಿರಂತರವಾಗಿ ಹೋರಾಡುತ್ತಾನೆ. ಮರಿಯಮ್ಮಳಿಂದ ಮೊದಲೇ ವರವನ್ನು ಪಡೆದುಕೊಂಡಿದ್ದ ಸೇವಾಲಾಲ ತನ್ನ ಭಕ್ತರು ಕೇಳಿದ ವರಗಳ ತಕ್ಷಣವೇ ಈಡೇರಿಸಿ ಪ್ರಖ್ಯಾತಿಯನ್ನು ಪಡೆದುಕೊಂಡನು. ಈತನ ಜನಪ್ರಿಯತೆಯನ್ನು ಕಂಡು ಮರಿಯಮ್ಮ ಸಹಿಸಲಾರದೇ ಅವನು ಬ್ರಹ್ಮಚಾರಿಯಾಗಿರುವುದರಿಂದಲೇ ಇಷ್ಟೊಂದು ಪ್ರಭಾವಶಾಲಿಯಾಗಿರವನೆಂದು ಬಗೆದು, ಅವನಿಗೆ ಮದುವೆ ಮಾಡಿಸುವ ಮೂಲಕ ಆತನ ಜಜನಪ್ರಿಯತೆಯನ್ನು ಕುಗ್ಗಿಸಬೇಕೆಂದು ನಿರ್ಧರಿಸುತ್ತಾಳೆ. ಅಂತೆಯೇ, ಸೇವಾನ ಬಳಿಗೆ ಬಂದು ಮದುವೆಯಾಗುವಂತೆ ಅವನನ್ನು ಒತ್ತಾಯಿಸುತ್ತಾಳೆ. ಅದಕ್ಕೆ ಒಪ್ಪಿಕೊಳ್ಳದ ಸೇವಾಲಾಲ ತಾನು ಸಮಸ್ತ ಸಮುದಾಯದವರಿಗೆ ‘‘ಭಾಯಾ’’ (ಸಹೋದರ) ಆಗಿರುವುದರಿಂದ ನಾನು ಯಾರೊಂದಿಗೆ ಮದುವೆಯಾಗಲೆಂದು ವಾದಿಸುತ್ತಾನೆ.

ಎಲ್ಲಾ ನಾರಿಯರು ನನಗೆ ಸಹೋದರಿಯರು ಆಗಿರುವುದರಿಂದ ಈ ಮದುವೆ ಅಲ್ಲಗಳೆಯುತ್ತಾನೆ. ಆಧ್ಯಾತ್ಮ ಜೀವಿಯಾಗಿ ಸಾಧಕನಾಗಿದ್ದ ಸೇವಾಭಾಯಾ ಮರಿಯಮ್ಮನ ಮಾತನ್ನು ತಿರಸ್ಕರಿಸುತ್ತಾನೆ. ಮರಿಯಮ್ಮ ಅವಮಾನಿತಳಾಗಿ ಮತ್ತೆ ಮತ್ತೆ ಒತ್ತಾಯಿಸಿದಾಗ, ಬ್ರಹ್ಮನು ತನ್ನ ಹಣೆಬರಹದಲ್ಲಿ ಮದುವೆಯಾಗುವುದನ್ನು ಬರೆದಿಲ್ಲವಾದ್ದರಿಂದ ಮದುವೆಯಾಗುವುದಾದರೂ ಹೇಗೆ ? ಎಂದು ಪ್ರಶ್ನಿಸುತ್ತಾನೆ. ಹಾಗಾದರೆ, ನಿನ್ನ ಹಣೆಯ ಬರಹವನ್ನು ಪರೀಕ್ಷಿಸಲು ದೇವಲೋಕಕ್ಕೆ ಹೋಗೋಣವೆಂದು ಅವನನ್ನು ಕರೆಯುತ್ತಾಳೆ. ಅದಕ್ಕೆ ಸಮ್ಮತಿಸಿದ ಸೇವಾಭಾಯಾ ಮರಿಯಮ್ಮನೊಂದಿಗೆ ದೇವಲೋಕಕ್ಕೆ ಹೋಗಲು ಅಣಿಯಾಗುತ್ತಾನೆ. ಸೇವಾ ಭಾಯಾ ತಾನು ಸ್ವರ್ಗಲೋಕಕ್ಕೆ ತನ್ನ ಹಣೆಯ ಬರಹವನ್ನು ಕೇಳಲು ಬ್ರಹ್ಮನಲ್ಲಿಗೆ ಹೋಗುವ ಪ್ರಸ್ತಾಪಿಸಿ, ತನ್ನ ಶರೀರವನ್ನು ದೇವಸ್ಥಾನದಲ್ಲಿಟ್ಟು, ಬೇವಿನ ಸೊಪ್ಪಿನಲ್ಲಿ ಮುಚ್ಚಿಡಬೇಕೆಂದು, ತಾನು ಹಿಂದಿರುಗಿ ಬರುವವರೆಗೆ ನಿರಂತರವಾಗಿ ಭಜನೆ ಮಾಡುತ್ತಿರಬೇಕೆಂದು, ಬೇವಿನ ಸೊಪ್ಪಿನಲ್ಲಿರುವ ನನ್ನ ಶರೀರವನ್ನು ಅಪ್ಪಿ-ತಪ್ಪಿಯೂ ಯಾರೂ ಮುಟ್ಟಬಾರದೆಂದು ತನ್ನ ಬಂಧು-ಬಾಂಧವರಿಗೆಲ್ಲಾ ತಿಳಿಸಿ, ಸ್ವರ್ಗಕ್ಕೆ ಹೊರಡುತ್ತಾನೆ.

ಅವನು ಹೇಳಿ ಹೋದಂತೆ ಸಮುದಾಯದವರೆಲ್ಲಾ ಕಟ್ಟುನಿಟ್ಟಾಗಿ ನಡೆದುಕೊಳ್ಳುತ್ತಾರೆ. ಸ್ವರ್ಗದಲ್ಲಿ ಪರಮಾತ್ಮನ ಸಮಕ್ಷಮದಲ್ಲಿ ಮರಿಯಮ್ಮ ಮತ್ತು ಸೇವಾಲಾಲ ತಮ್ಮ ವಾದಗಳನ್ನು ಮಂಡಿಸುತ್ತಾರೆ. ಕೊನೆಗೆ ಸೇವಾಲಾಲನ ಹಣೆಯ ಬರಹವನ್ನು ಪರೀಕ್ಷಿಸಿದ ಪರಮಾತ್ಮನು ಅವನಿಗೆ ಮದುವೆ ಎಂಬುದೇ ಸ್ಪಷ್ಟಪಡಿಸುತ್ತಾನೆ. ಇದರಿಂದ ಇನ್ನಷ್ಟು ಅವಮಾನಿತಳಾದ ಮರಿಯಮ್ಮ ಇನ್ನು ತನಗೆ ಉಳಿಗಾಲ ಇಲ್ಲವೆಂದು, ಲಂಬಾಣಿ ಸಮುದಾಯದಲ್ಲಿ ತನ್ನ ಅಸ್ತಿತ್ವವೇ ಇಲ್ಲದಂತಾಗುವುದೆಂದು ಯೋಚಿಸಿ ಸೇವಾನಿಗಿಂತ ಮೊದಲೇ ಭೂಲೋಕಕ್ಕೆ ಇಳಿದು ಬಂದು ಮಾರುವೇಷದಲ್ಲಿ ನೇರವಾಗಿ ತಾಯಿ ಧರ್ಮಿಣಿ ಬಾಯಿ ಬಳಿಗೆ ಹೋಗುತ್ತಾಳೆ. ‘‘ನಿನ್ನ ಮಗ ಸೇವಾಲಾಲ ದೇವಸ್ಥಾನದಲ್ಲಿ ಸತ್ತು ಬಿದ್ದಿದ್ದು, ನೀನು ಇಲ್ಲಿ ನಿಶ್ಚಿಂತವಾಗಿ ಕಸೂತಿ ಹಾಕುತ್ತಿದ್ದೀಯ ?’’ ಎಂದು ಅವಳಿಗೆ ಹೇಳುತ್ತಲೇ ದು:ಖಿತಳಾದ ಧರ್ಮಿಣಿ ಬಾಯಿ ಎದ್ದು-ಬಿದ್ದು ದೇವಸ್ಥಾನಕ್ಕೆ ಬಂದು ಯಾರು ತಡೆದರೂ ಕೇಳದೇ ಮಗನ ದೇಹದ ಮೇಲೆ ರಪ್ಪನೇ ಬಿದ್ದು ಗೋಳಿಡುತ್ತಾಳೆ.

ಸೇವಾ ಭಾಯಾ ಭೂಲೋಕಕ್ಕೆ ಕಾಲಿಡುವಷ್ಟರಲ್ಲಿ ಆತನ ದೇಹಕ್ಕೆ ಮನುಷ್ಯರ ಸ್ಪರ್ಶವಾಗುತ್ತಿದ್ದಂತೆಯೇ ಆತನ ಆತ್ಮವು ಮರಳಿ ದೇಹವನ್ನು ಸೇರದೇ ಹಿಂದಿರುಗಿ ಸ್ವರ್ಗಕ್ಕೆ ಹೋಗಿಬಿಡುತ್ತದೆ. ಹೀಗೆ ಅಮರನಾದ ಸೇವಾಲಾಲರ ದೇಹಾಂತ್ಯವಾದ ಮೇಲೆ ಮಹಾರಾಷ್ಟ್ರದ ವಾಸಿಮ್ ಜಿಲ್ಲೆಯ ಅಕ್ಕೋಲ ತಾಲ್ಲೂಕಿನ ಸಮೀಪದಲ್ಲಿರುವ ಪೊಹರಾಗಢ ಎಂಬಲ್ಲಿ ಅಂತ್ಯಸಂಸ್ಕಾರ ನಡೆಯಿತು. ಈಗ ಅಲ್ಲಿ ಸೇವಾಲಾಲ್ ಮತ್ತು ಜಗನ್ಮಾತೆ ಮರಿಯಮ್ಮಳ ಬೃಹತ್ ಮಂದಿರಗಳನ್ನು ಕಟ್ಟಿದ್ದು, ಅದು ಬಂಜಾರರ ಪುಣ್ಯಕ್ಷೇತ್ರವಾಗಿದೆ. ಭಾರತದಾದ್ಯಂತ ನೆಲೆಯಾಗಿರುವ ಅಸಂಖ್ಯಾತ ಬಂಜಾರರು ಈ ತೀರ್ಥಕ್ಷೇತ್ರಕ್ಕೆ ಸಾಗರೋಪಾದಿಯಲ್ಲಿ ಬಂದು ದೇವರ ದರ್ಶನ ಪಡೆದು ಪಾವನರಾಗುತ್ತಾರೆ. ಸೇವಾಲಾಲರ ಜನ್ಮಭೂಮಿ ಕರ್ನಾಟಕದ ಸೂರಗೊಂಡ ನಕೊಪ್ಪದಲ್ಲಿ ಇಂದು ಕರ್ನಾಟಕ ಸರಕಾರದ ಸುಪರ್ದಿಯಲ್ಲಿ ಹಲವು ಅಭಿವೃದ್ಧಿ ಕಾರ್ಯಗಳು ಜರುಗಿ, ವಿಸ್ತಾರವಾದ ತೀರ್ಥಕ್ಷೇತ್ರವಾಗಿ ಪರಿಣಮಿಸಿದೆ. ಸರಕಾರ ಈಚೆಗೆ ಮತ್ತೆ 13 ಎಕರೆ ಜಮೀನನ್ನು ನೀಡಿ, ಬೃಹತ್ ಪ್ರಮಾಣದಲ್ಲಿ ಈ ಕ್ಷೇತ್ರವನ್ನು ಅಭಿವೃದ್ಧಿಗೊಳಿಸಿದೆ.

ಪ್ರತಿ ವರ್ಷ ನಡೆಯುವ ಸಂತ ಸೇವಾಲಾಲನ ಜಯಂತಿಗಾಗಿ ಕರ್ನಾಟಕದ ಭಕ್ತಾದಿಗಳು ಶಬರಿಮಲೆಯ ಸ್ವಾಮಿಗಳಂತೆ ವ್ರತಾಧಾರಿಗಳಾಗಿ ಶ್ವೇತವಸ್ತ್ರಗಳನ್ನುಟ್ಟು, ಲಕ್ಷಾಂತರ ಸಂಖ್ಯೆಯಲ್ಲಿ ಸೇರಿ ವಿಜೃಂಭಣೆಯಿಂದ ಯಾತ್ರೆಯಲ್ಲಿ ಪಾಲ್ಗೊಂಡು ಪುನೀತರಾಗುತ್ತಿದ್ದಾರೆ. 2018ರ ಈ ಜಯಂತಿಯನ್ನು ಕರ್ನಾಟಕ ಸರಕಾರ ಅಧಿಕೃತವಾಗಿ ರಾಜ್ಯಾದ್ಯಂತ ಆಚರಿಸಲು ಮುಂದಾಗಿದ್ದು, ಈ ಸಂಭ್ರಮದಲ್ಲಿ ಪಾಲ್ಗೊಳ್ಳಲು ಸಾಗರೋಪಾದಿಯಲ್ಲಿ ಭಕ್ತರು ಸೇರುವ ನಿರೀಕ್ಷೆ ಇದೆ. ಸೇವಾಲಾಲರು ಯೋಗಿಯಾಗಿ, ಮಹಾಸಂತರಾಗಿ ಲೋಕಕಲ್ಯಾಣಕ್ಕಾಗಿ ದೇಶಾದ್ಯಂತ ಸಂಚರಿಸಿ, ಅವರ ಬದುಕನ್ನು ಪಾವನ ಮಾಡುತ್ತಾ, ಅವರ ಬಾಳಿಗೆ ಬೆಳಕನ್ನು ನೀಡುತ್ತಾ, ಬಡತನ, ಕಷ್ಟ-ಕಾರ್ಪಣ್ಯಗಳಿಂದ ಬಳಲುತ್ತಿದ್ದವರಿಗೆ ಸುಂದರವಾಗಿ, ಸುವಿಚಾರಗಳನ್ನು ಹೇಳುತ್ತಾ, ತಿದ್ದಿ-ತೀಡುತ್ತಾ ಕಲ್ಯಾಣ ಮಾಡಿದ್ದಾನೆ.
********************************************
ಕೃಪೆ: ಗೂಗಲ್ ಮತ್ತು ವಾಟ್ಸಪ್ ಮಾಹಿತಿ.
ಸಂಗ್ರಹ: ಆನಂದ ಶಿಕ್ಕೇರಿ  (ಸಹ ಶಿಕ್ಷಕರು) ವಿಜಯಪುರ.
********************************************

90ನೇ ಆಸ್ಕರ್ ಪ್ರಶಸ್ತಿ

*90ನೇ ಆಸ್ಕರ್ ಪ್ರಶಸ್ತಿ ಪ್ರದಾನ : 

ವಿಜೇತರ ಪಟ್ಟಿ*

==============≠=

*ಅಮೆರಿಕದ ಲಾಸ್ ಏಂಜೆಲಿಸ್ ನಲ್ಲಿ 05-03-2018 ರಂದು ನಡೆದ ಸಿನಿಮಾರಂಗದ ಅತ್ಯುನ್ನತ ಪ್ರಶಸ್ತಿ  2018 ನೇ ಸಾಲಿನ 90ನೇ ಆಸ್ಕರ್ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ದಿ ಶೇಪ್ ಆಫ್ ವಾಟರ್ ಅತ್ಯುತ್ತಮ ನಿರ್ದೇಶನ ಸೇರಿದಂತೆ ಒಟ್ಟು ನಾಲ್ಕು ಪ್ರಶಸ್ತಿಗಳನ್ನು ಗಳಿಸಿದೆ. ಗ್ಯುಲ್ಲೆರ್ಮೋ ಡೆಲ್ ಟೊರೊ ನಿರ್ದೇಶನದ ದಿ ಶೇಪ್ ಆಫ್ ವಾಟರ್ ಅತ್ಯುತ್ತಮ ಸಿನಿಮಾ ಪ್ರಶಸ್ತಿ ಗಳಿಸಿದೆ. ಇದೇ ಸಿನಿಮಾ ಗ್ಯುಲ್ಲೆರ್ಮೋಗೆ ಸರ್ವಶ್ರೇಷ್ಠ ನಿರ್ದೇಶಕ ಪ್ರಶಸ್ತಿ ದಕ್ಕಿಸಿಕೊಟ್ಟಿದೆ. ಅಲ್ಲದೆ ಉತ್ತಮ ಸಂಗೀತ ಹಾಗೂ ಶ್ರೇಷ್ಠ ಪ್ರೊಡಕ್ಷನ್ ಡಿಸೈನ್ ಈ ವಿಭಾಗಗಳಲ್ಲೂ ಎರಡು ಪ್ರಶಸ್ತಿಗಳನ್ನು ಗಳಿಸಿದೆ.*

===============

*ಪ್ರಶಸ್ತಿ ವಿಜೇತರ ಪಟ್ಟಿ :*

*ಶ್ರೇಷ್ಠ ನಟ : ಗ್ಯಾರಿ ಓಲ್ಡ್‍ಮ್ಯಾನ್ (ಚಿತ್ರ : ಡಾರ್ಕೆಸ್ಟ್ ಅವರ್ )*

* *ಶ್ರೇಷ್ಠ ನಟಿ : ಫ್ರಾನ್ಸೆಸ್ ಮ್ಯಾಕ್‍ಡೊರ್ಮಾಂಡ್ (ಚಿತ್ರ : ಮಿಸ್ಸೂರಿ)*

* *ಅತ್ಯುತ್ತಮ ಪೋಷಕ ನಟಿ :  ಅಲಿಸನ್ ಜಾನ್ನೇ (ಐ, ಟೊನ್ಯಾ )*

* *ಉತ್ತಮ ಪೋಷಕ ನಟ : ಸ್ಯಾಮ್ ರಾಕ್‍ವೆಲ್ (ಥ್ರೀ ಬಿಲ್‍ಬೋಡ್ರ್ಸ್ ಔಟ್‍ಸೈಡ್ ಎಬ್ಬಂಗ್, ಮಿಸ್ಸೂರಿ )*

* *ಉತ್ತಮ ಮೂಲ ಕಥೆ-ಗೆಟೌಟ್*

* *ಉತ್ತಮ ಚಿತ್ರಕಥೆ-ಕಾಲ್ ಮಿ ಬೈ ಯುವರ್ ನೇಮ್*

* *ಉತ್ತಮ ಅನಿಮೇಷನ್ ಸಿನಿಮಾ-ಕೋಕೋ*

* *ಉತ್ತಮ ವಿದೇಶಿ ಭಾಷೆ ಚಿತ್ರ-ಎ ಫ್ಯಾಂಟಾಸ್ಟಿಕ್ ವುಮೆನ್(ಚಿಲಿ)*

* *ಉತ್ತಮ ಮೂಲ ಗಾಯನ-ರಿಮೆಂಬರ್ ಮೀ, ಕೋಕೋ*

* *ಉತ್ತಮ ಸಾಕ್ಷ್ಯಚಿತ್ರ-ಇಕಾರಸ್*

* *ಉತ್ತಮ ಕಿರು ಸಾಕ್ಷ್ಯಾಚಿತ್ರ-ಹೆವನ್ ಇಸ್ ಎ ಟ್ರಾಫಿಕ್ ಜಾಮ್ ಆನ್ ದಿ 405*

* *ಉತ್ತಮ ಲೈವ್ ಆ್ಯಕ್ಷನ್ ಶಾರ್ಟ್-ದಿ ಸೈಲೆಂಟ್ ಚೈಲ್ಡ್*

* *ಉತ್ತಮ ಅನಿಮೇಷನ್ ಕಿರುಚಿತ್ರ-ಡಿಯರ್ ಬ್ಯಾಸ್ಕೆಟ್ ಬಾಲ್*

================

* *ಉತ್ತಮ ಚಿತ್ರ ಸಂಕಲನ, ಉತ್ತಮ ಶಬ್ಧ ಸಂಕಲನ ಮತ್ತು ಉತ್ತಮ ಶಬ್ಧ ಸಂಯೋಜನೆ-ಡನ್‍ಕ್ರಿಕ್(3 ಪ್ರಶಸ್ತಿಗಳು)*

============

* *ಉತ್ತಮ ಛಾಯಾಗ್ರಹಣ ಮತ್ತು ಉತ್ತಮ ದೃಶ್ಯ ಪರಿಣಾಮ-ಬ್ಲೇಡ್ ರನ್ನರ್.*

===============

*ಭಾರತದ ಪ್ರತಿಭಾವಂತ ನಟ ಅಲಿ ಫಜಲ್ ಹಾಗೂ ಬ್ರಿಟಿಷ್ ತಾರೆ ಜುಡಿ ಡೆಂಚ್ ಅಭಿನಯದ ವಿಕ್ಟೋರಿಯಾ ಅಂಡ್ ಅಬ್ದುಲ್ ಸಿನಿಮಾ ಅತ್ಯುತ್ತಮ ಮೇಕಪ್, ಹೇರ್‍ಸ್ಟೈಲ್ ಮತ್ತು ಕಾಸ್ಟ್ಯೂಮ್ ಡಿಸೈಸ್ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿತ್ತಾದರೂ, ಆ ಪ್ರಶಸ್ತಿಗಳು ಡಾರ್ಕೆಸ್ಟ್ ಹವರ್ ಮತ್ತು ಫ್ಯಾಂಟಮ್ ಥ್ರೆಡ್ ಸಿನಿಮಾಗಳ ಪಾಲಾದವು.*

==============

*‘ದ ಶೇಪ್ ಆಫ್ ವಾಟರ್’ ಅತ್ಯುತ್ತಮ ಚಿತ್ರ*

##############

*‘ದ ಶೇಪ್ ಆಫ್ ವಾಟರ್’ 2018ನೇ ಸಾಲಿನ 90ನೇ ಆಸ್ಕರ್ ಪ್ರಶಸ್ತಿಯ ಅತ್ಯುತ್ತಮ ಚಿತ್ರವಾಗಿ ಹೊರಹೊಮ್ಮಿದೆ. ಇದರ ನಿರ್ದೇಶಕರು ಗಿಲ್ಲೆರ್ಮೊ ಡೆಲ್ ಟೊರೊ ಈ ಸಾಲಿನ ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ಗಳಿಸಿದ್ದಾರೆ. ಈ ಚಿತ್ರದ ನಿರ್ಮಾಪಕರು ಜೆ. ಮಿಲ್ಸ್ ಡೇಲ್ ಆಗಿದ್ದಾರೆ. ಅತ್ಯುತ್ತಮ ಚಿತ್ರ ಸೇರಿದಂತೆ ನಾಲ್ಕು ವಿಭಾಗಗಳಲ್ಲಿ ಶೇಪ್ ಆಫ್ ವಾಟರ್ ಪ್ರಶಸ್ತಿ ಗಳಿಸಿಕೊಂಡಿದೆ. ಶೀತಲ ಯುದ್ಧದ ಫ್ಯಾಂಟಸಿ ಚಿತ್ರವಾಗಿರುವ ದ ಶೇಪ್ ಆಫ್ ವಾಟರ್ ನಲ್ಲಿ ಸ್ಯಾಲ್ಲಿ ಹಾಕಿನ್ಸ್ ಮೂಕ ದ್ವಾರಪಾಲಕಳಾಗಿ ನಟಿಸಿದ್ದು ಈಕೆ ಸರ್ಕಾರಿ ಪ್ರಯೋಗಾಲಯದಿಂದ ವಶಪಡಿಸಿಕೊಂಡ ಜನಚರ ಪ್ರಾಣಿ ಜೊತೆ ಪ್ರೀತಿಯಲ್ಲಿ ಬೀಳುತ್ತಾಳೆ ಇದೆ ಈ ಚಿತ್ರದ ಕಥೆ.*

====================================

ಸಂಗ್ರಹ: ANAND SHIKKERI (Asst master)

 ಕೃಪೆ: ವಾಟ್ಸಪ್ ಮಾಹಿತಿ

=================================